sugarK (已結業)

好耐未唱过K咁啱有同事生日就试吓呢间Sugar K，我哋有10个人佢哋俾咗间10至15人嘅大房我哋，最低消费$3980包括$450房费可以唱六个钟头，另外如果要咪套仲要自己加$20买😓间房唔系太大，不过每间房都有独立厕所，呢度嘅音响音色唔错，所以唱出嚟嘅歌都专业啲，佢哋可以直接响屏幕点歌或者用微信点歌。佢哋嘅晚餐选择唔系太多得，我哋叫咗晚餐应该连饮品同埋餐汤，但系走嘅时候先发现佢哋冇比餐汤我哋…同埋佢哋啲嘢食全部都唔够热，只系暖暖哋同埋每间房只得两支米，要另外问佢攞先至比多一支服务麻麻哋！如果要呢个价钱可以有更好嘅选择。