洪利粥店茶餐廳 (已搬遷) 新店位置

真的真的太耐冇食粥喇！！呢晚突然好想食猪红粥，所以游走尖咀揾间抵食架啦，真的唔好以为猪红普通，系佐敦同尖咀揾过粥铺，系唯独呢间＜洪利＞有得食，咁或者其他粥店都有，只系餐牌冇写o卦？但问过两间都冇，都唔想再问啰.....都系去＜洪利＞算喇。我的：皮蛋猪红粥 ($21)本来只食猪红粥嘅，但见到有皮蛋㖞，正！所以叫咗呢个粥食。粥底其实唔算好棉，又冇乜粥味，不过料多，猪红好食。朋友的：猪润鲜鱿粥 ($32)听朋友讲粥底一样唔棉，胜在料多，猪润厚滑冇血水刚刚好，鲜鱿唔韧爽。如果对粥底唔要求唔高嘅话都ＯＫ㖞。炸两肠粉 ($12)我地一致极嫌弃劲失望！成碟野上枱系冻嘅，装入厨房望望，原来已经整定嘅，油条又淋又油又韧，包住佢的肠粉又唔滑，连豉油都唔好味，差！时菜炒米粉 ($12)又系冻嘅.....唔系要佢即叫即炒，都唔好冻丫，系都叮一叮热少少都好丫！！时菜即生菜丝，冇味，油咗Ｄ。反而炒米粉的味似的小学系街边一大个铁镬炒出来的味，都o岩味，如果系热嘅话呢个会个格啰。总括来讲呢.......或者下次想食足料的粥先会返来咯，或者食粉面可能会好Ｄ。