樂天大喜屋 (已結業)

之前约咗闺蜜团年，当然要食好啲，就去咗乐天大喜屋。依家冇咗晚市，晏昼嚟食其实仲抵，$188一位就可以食足三个钟，可以一路慢慢食慢慢倾偈。味付八爪鱼、螺肉同中华沙律绝对系我嘅至爱。自助沙律吧方便又健康，我都整咗一兜车厘茄返埋位慢慢叹。冷盘仲有青口、翡翠螺同大蚬，非常丰富。雪柜入面放满饮品，而且又多选择。果汁都有唔同种类，仲有果汁同冻日本清酒。暖嘅日本清酒都系任饮。雪糕雪条都系任食，而且全部都系好吸引嘅味道。放题第一击当然就系食刺身，总共有12款选择，我就点咗三文鱼、油甘鱼、鲷鱼、帆立贝、北寄贝、象拔蚌、虎虾、甜虾同大赤虾，全部都好新鲜。我就最钟意佢嘅迷你手卷，可以浅尝一下，我就拣咗海胆手卷，紫菜香脆海胆又够鲜味。其他熟食都好好食，我尤其推介佢哋嘅烧物，所以我不停encore。