鼎泰豐

营业中

休息中

新年流流处处人山人海，逛完成个新城市广场脚都软埋，突然好想食肉骨茶小笼包之类嘅野，于是去咗鼎泰丰。噢！原来佢系米芝莲一星餐厅，真系失敬失敬。等咗一阵就有位，都算几好彩。餐厅环境干净，个餐牌简单得黎几靓，睇咗两睇就决定嗌《小笼包》，《绍兴酒醉鸡》，《台式酸辣汤》，《菜肉红油抄手》和《迷你芝麻包》。小笼包同细细个𠮶时食嘅都系一样咁好味；醉鸡唔系几够醉；酸辣汤用料足；芝麻包非常芝麻唔太甜；意料之外系佢嘅红油抄手，皮薄馅靓唔太辣，非常抵赞，自从同类型餐厅嘅红油抄手改版后，真系好耐冇食过口感咁正嘅抄手喇。最后，要赞一赞喱间鼎泰丰嘅侍应，除咗细心不时为我们加茶之外，佢地真心顾客至上，一句「嗌外卖去收银处分开嗌唔驶加一噃」非常大体令人敬佩，服务态度绝对衬得起「米芝莲餐厅」喱个名。