Channel 3 Tapas Bar & Restaurant

营业中

休息中

好耐无去酒吧食野，收工与友食个dinner特别开心。食物水准不俗，环境几好，随著音乐放松一下心情。芒果蟹肉沙律 $108粒粒芒果酸甜开胃，加上丝丝蟹肉、爽口洋葱粒和蕃茄粒，口感味道丰富，前菜令人印象深刻。蘑菇帕尔玛火腿薄饼 $128饼底香脆配料十足，薄饼分成六件，每块都有帕尔玛火腿，切得好薄口感柔软充满咸香，夹住烟韧嘅芝士、大粒蘑菇和蕃茄酱汁底，非常美味。白酒忌廉煮青口 $98青口肉几大粒，口感软弹，白酒忌廉汁好creamy好好味，仲有沙律菜索埋汁食，正呀~香煎美国顶级肉眼扒 $268肉眼扒１２安士相当大份，香煎厚切锁紧肉汁，7成熟刚好，肉质软腍牛味浓，加上少许盐吊味，唔醮汁食都咁好味，配汁食当然无咁单调啦。