Applegreen (已結業)

记得多年前Apple green无论午市定晚市都大排长龙，而家此情此景不再。周六午市都唔驶排队，咁一于去怀缅下最爱嘅carbonara。午市套餐由80几至百中不等，包沙律餐汤野饮，都算实惠。两个人分别叫左最爱嘅烟肉忌廉意粉同埋蜜糖炭烧黑豚扒。首先上左餐汤沙律牛角包，沙律菜算新鲜，但个包唔得，冻嘅，个汤都系唔够热，其实先唔好讲味道，汤同包斋系够热都争好远。Carbonara一如已往嘅好，汁浓够味意粉弹牙，面头嘅芝士加点咸香，正。黑豚扒都喜出望外，大块又淋，好香蜜糖味，薯条都唔错，败笔系堆红萝卜同蕃薯粒，超冇heart，又系冻嘅，好似食大家X求其「笔」一堆出黎咁。要做好啲，其实要注重细节。