Applegreen (已結業)

以前覺得applegreen都幾好味,今日去開葵芳,見無咩人等位,又好耐未食過,咁就去食啦....我地揀左個2人餐,2Snacks+ 2Soups + 1Meat+ 1Pasta..蜂蜜柚子脆雞翼,蜂蜜柚子汁甜甜地都幾好味,但雞翼就炸得一啲都唔脆又好乾好硬照燒特級厚切牛小排, 我地叫7成熟,但切開後仲係好紅,外面就燒得比較焦,食落好大陣焦嘅味,無咩牛肉味...明太子意粉~意粉煮得啱啱好,唔會太硬,但明太子醬就唔算太多,味道淡左少少...

唔寫好似會對唔住d新食客.....咩相都無影因為本身都打算普通食餐飯入題：：：夜晚8:15入座，一入就同我講9點last order，9:30閂門🤨叫左個二人餐（晚餐）餐湯，焗薯皮，凱撒沙律🥗黑毛豬🐷，明太子意粉🍝兩杯飲品-----------------🐷塊豬上枱時係咸左d，但都幾淋。重點黎喇！放凍左少少之後..塊豬真係鞋過紙皮乾過沙漠🤷🏻‍♀️🤷🏻‍♀️🍝個意粉更加不得了🤢明太子係邊道？一堆意粉浸住腥腥地嘅醬就有囉🤷🏻‍♀️唧完檸檬變檸檬意粉好似仲好食...用盡奶力咁食左一半...加埋一 四百幾蚊..請問價值何在🤔？

可惜因為嬲得制，冇影相！依一刻我係廁所肚痾緊！今晩去食個四百幾元的餐，一order 完五分鐘內超快上菜，一碟白雪雪的物體出現，係水汪汪的意大利飯，想像下一碗白粥加幾滴香油，零Cheese 零cream, 成世人都未食過禁難食既意大利飯！製作過程有如筆一碗白粥，加二滴香油，唔怪得知上菜神速，方便1.5hour後收抬！諗住當自己黑仔，冇睇Openrice就入左去食粥，之後才是惡夢的開始！Boss 係牛仔骨刺身！本身係叫五成熟，點知上菜係一成熟的牛仔骨！同個Waiter 講，佢二話不説直接拎入走左碟野，之後好快就大大力將碟野放係我張枱，牛仔骨刺身變成黑色炸排骨！係勁燶！勁黑！勁多油！d油多到浸住!!! 同個Waiter講，佢話「唔關我事！碟野唔係我整！」之後有個貌似比較話得事嘅waiter 拎過一碟新嘅牛仔骨過嚟，今次好返少少，只好照食。已經唔係好唔好食的問題！直情無道德！不知所謂！我依一刻係廁所痾緊水！祝Applegreen個㕑師早日得到報應！

假日去新都會廣場行街，到到都勁多人食lunch, 見呢間apple green 冇咩人等位就衝左入去，環境都ok.-明太子意粉-賣相一般，食落味道仲有啲淡，食左幾啖已經唔太想再食落去，可能同我地想像既明太子意粉有出入，通常明太子煮出來的食物都係好香、味濃，這個......不合格👎-雜菌意大利飯-同樣賣相都係一般，但味道又唔錯喎👍🏼，起初見佢個款勁多油，仲擔心中伏，意大利飯軟硬適中，至少岩香港人口味，好食！

記得多年前Apple green無論午市定晚市都大排長龍，而家此情此景不再。周六午市都唔駛排隊，咁一於去懷緬下最愛嘅carbonara。午市套餐由80幾至百中不等，包沙律餐湯野飲，都算實惠。兩個人分別叫左最愛嘅煙肉忌廉意粉同埋蜜糖炭燒黑豚扒。首先上左餐湯沙律牛角包，沙律菜算新鮮，但個包唔得，凍嘅，個湯都係唔夠熱，其實先唔好講味道，湯同包齋係夠熱都爭好遠。Carbonara一如已往嘅好，汁濃夠味意粉彈牙，面頭嘅芝士加點咸香，正。黑豚扒都喜出望外，大塊又淋，好香蜜糖味，薯條都唔錯，敗筆係堆紅蘿蔔同蕃薯粒，超冇heart，又係凍嘅，好似食大家X求其「筆」一堆出黎咁。要做好啲，其實要注重細節。

講到西餐，Applegreen算係一間唔貴唔平，適合中等價格午餐嘅餐廳👍🏻👍🏻 因爲唔洗等位，所以就入左去食個快嘅！Lunch set包含低脂乳酪汁沙律，小牛角包，餐湯同飲品，品質唔錯，牛角包鬆脆！博多明太子意粉($86)雖然冇乜料，但都唔會感覺好dry👍🏻 不過相繼令到意料太流，食多少少都會濟🤦🏻‍♀️蜜糖炭燒黑豚扒($92)😛南瓜做配料其實好少見，不過薯條同扒都唔太熱，減少食慾😓 同埋黑豚扒冇肉汁可言，都食唔岀蜜糖嘅味道😭 92蚊嚟講只有伴菜合格了

等位等咗好耐一會， 地方不算太大， 員工告知因為 人手不足， 要封幾個位置， 冇辦法，因為人流太多，如果想食一定要等位。我們一行八人 ，所需要嘅位置， 要等候 也是必然的。食物質素ok的

呢度既lunch選擇唔少，份量同味道都唔錯。前菜已經有餐湯、沙律同牛角包，老實講其實湯真係麻麻，飲左兩啖唔係好知佢咩味，應該係蘑菇，唔creamy唔香唔濃；而牛角包唔係酥皮既，係牛角形既麵包；個沙律就正常啦。不過個main dish都真係唔錯，個魚柳好大份，上面有麵包碎，焗到好香好脆；而個汁都幾好，酸酸甜甜，好夾個魚。伴碟有大量蔬菜同薯條，薯條係幼身，所以脆皮比例好高。總括黎講，呢度都坐得舒服，服務又好，野食都幾好食啦，性價比算很不錯了。

星期五晚搵食真艱難，今日因為要處理d野，晏左出來食飯，7點幾呢個鐘數更是難上加難，葵芳新都會大多數餐廳都食過，食開果幾間「飯堂」更是人滿為患，拎到好幾張號碼飛，都未有著落，很是可憐 游蕩左好耐，終於見到一間冇人排隊，心中都多少知道應該不太好野，翻翻下餐牌，又晤知扯起邊條筋，覺得都算岩食（字面上睇），可能已經對手上幾張號碼飛都死左心，等幾十個號點搞哦....試間新野咯.....膽粗粗未入去咯 Applegreen,對于我来講又不算新野，N年前在新世紀廣場食過一次，都算可以，具體不太記得,太耐了，後來果間分店在moko消失左。 呢間分店系第一次食，室內裝修好普通，坐得好逼，不喜歡 擺設系個紅萍果，唔明點解唔系綠色 餐牌冇圖，得幾張紙侍應一d笑容都冇，幾個侍應都系咁，黑口黑面，唔通星期五已經忙傻左？佢地已經系最少人的餐廳了哦。服務態度真的有待改進。松露意大利燉飯，都算有黑松露味，還可以，米飯ok既蟹肉牛油果沙律：呢個就算把了，上到枱，嚇一跳，以為比錯，牛油果在哪？我見到整碗的黃瓜，蟹肉又在哪？我以為系蘿卜泥，即刻舉手嗌人話錯了，結果侍應好黑面話呢個就系蟹肉牛油果沙律我翻開最上面

啱啱睇番呢度啲食評，原來我嘅遭遇唔係冰山一角。驟眼望埋去現場其實好多都係三至四人枱。 咁我人數多都等左好耐，見到好多三至四人枱嘅飛都嗌咗入去，再望入去見到最尾有一張空左好耐嘅大枱。 咁我就問下入面嗰張空枱可唔可以坐同埋安排入座嘅問題， 點知個waitress就用一個好串同埋冇尾音嘅語氣（我都見到唔少呢度比食評嘅人都有呢個感受）同我講已經book曬同埋出面冇檯畀你夾到。 其實如果啲枱畀人book咗，可以禮貌啲同我講返，如果佢哋幾多點都未到，可以畀到張枱我，而唔係用一個極差嘅態度去回應一個客人。我朋友都話雖然佢冇講粗口但係佢嘅說話語氣比粗口更難聽。 一間餐廳除咗食物要好食之外，服務態度都好重要。如果未食飯都已經俾客人食咗一肚氣，真係咩都飽曬，唔使食喇！不過，強烈建議如果鍾意食一肚氣嘅人可以去感受一下。😁

從來未食過咁難食嘅牛扒，大家睇圖就知道，塊牛扒薄到好似紙咁，叫七成熟但係熟到好似食緊舊炭咁，一放上枱就知道伏味濃，價錢仲要唔平($178加一)。薯條好幼，完全冇味，真心麥當勞仲好食。另外男朋友仲叫咗個豬扒，肉質勁似鞋底，雖然冇相，但係茶餐廳啲豬扒一定仲好食，隔離有堆risotto，唔講以為係毆吐物。全餐飯最好食嘅就係菠蘿，又甜又多汁！大佬要我成四舊水淨係食菠蘿？！D侍應仲要唔係點睬你，你一食完就幫你收野，好似趕你走咁。

同朋友行完山，肚仔有d餓，見呢間冇咩人等位，就直入坐低。可能係tea time就完，晚飯時間又未到，所以冇咩人，侍應都少d﹐招呼有d慢。我地點咗3樣野…蜂蜜柚子脆雞亦 - 上檯香噴噴，皆因有鼠尾草放係熱嘅雞亦面，鼠尾草嘅香味出晒黎，即刻胃口大開呀! 炸好嘅雞亦面淋咗d柚子蜜，食落不油膩，仲有d清新感，女生應該都會喜歡，我同我個朋友秒殺咗呢碟小食。蟹肉牛油果沙律 - 沙律菜有羽衣甘藍，聽說是有抗癌功效的超級疏菜呢。牛油果係我飛佛，加上蟹肉，yo~ 正!鮮蝦龍蝦汁意大利粉 - 蝦大大隻，意粉醬汁濃度適中，剛好包住意粉，不會水汪汪，美味!雖然價錢唔平，但總括好食! 

中午人不多，也有套餐，湯/色拉+主食+餐後飲料，價格不一。我要了番茄湯+奶油蘑菇螺旋面配香腸+熱檸水。味道還行吧，和上海的也差不了多少，價格倒是貴了50%。不想等位的話，可以試試的。

大概十年前就開始吃AppleGreen 的吧，但葵芳的AppleGreen還是頭一次。中午12時45分的時間，看到AppleGreen已滿座了，心想要快找找還有什麼好吃，可是一分鐘之內，就看到忙得不可開交的服務員將排在門口4、5組人帶進了餐廳，原來葵芳AppleGreen是很大的，只不過間格上讓外面的人不能一覽無遺。Set lunch 由HKD64至HKD108(另加一)，包括了Croissant、沙律、餐湯及餐飲，還真不錯啊，最後姐我點了黑松露野菌意大利飯，同事們點了其他的都不細數了。Croissant夠鬆又香口；沙律都是一碟菜加上沙律汁兩粒石榴兩粒西柚肉；餐湯是令人印象深刻的忌廉薯仔湯，一湯薯仔蓉造就了濃稠的質感；餐飲要熱的，唯有選蘋果茶，雖然是茶包，可也是TWININGS。主食黑松露野菌意大利飯，雖然用料也是很足，上枱時已經嗅到陣陣的松露味，也有著不少的野菌，可是太濕了，橄欖油也就是多。綜觀整頓午飯，HKD80 的價錢，服務員快手有禮、廚房也有著一定水准和速度，性價比算高的了。

一入去服務生已經冇咩禮貌叫我地坐低，諗住叫少少嘢食睇吓情況先，點咗兩個餐同白松露薯條，個湯擺明罐頭湯，頭盤叫咗柚子雞翼同陳醋什菌沙律，雞翼乾到變哂色，沙律冇陳醋味，白松露薯條。。。算啦，又凍又乾，淨係見到有堆油喺面，食m記好過，點解叫白松露。。牛扒薄到成張紙咁，個豬扒同快餐店差唔多尚算可以，但隔離個所謂意大利飯簡直難食，又淋又冇味，好似用金寶罐頭湯溝水浸飯咁，藍莓同士多啤梨檸檬特飲。。唔夠味又唔吸引，叫咩特飲。。失敗，咁嘅質素真係唔需要咁嘅價錢