Assaggio Trattoria Italiana (已結業)

好耐好耐… 好耐都冇见我啲朋友了！是晚黎到湾仔既 Assaggio Trattoria Italiana，原来最近新推出龙虾牛扒 menu，似乎好丰富喔～ 由于我早到一步，所以先黎一杯冇酒精既 cocktail，仲有试试吧台𠮶边既几款小食。头盘前先有一篮 homemade 面包，非常不错。其中好钟意自家制既番茄包包！然后就有「Lobster Catalana Salad」，以西芹，红洋葱，肉质满满既连壳龙虾肉同柠檬汁调味。另外有好丰富，好饱肚既「Traditional Minestrone Soup」，非常多豆同薯仔粒！主菜方面，我地大家一齐点晒龙虾意粉同肉眼扒。前者好重牛油蒜味，意粉亦好 al dente；后者既 prime rib 肉质非常鲜嫩，有一定油脂，非常香。当然唔少得 side dish 既热辣辣薯条啦！最后就系「Dessert Platter」。其中有我最爱既 tiramisu，义大利传统做法，以生鸡蛋同 mascarpone cheese 打成，浓浓滑滑，好满足喔！