馬師傅菜館 (已結業)

平时习惯左逢周末就去食西式brunch，但有时食得多都要转换一下口味，今个星期就决定转食中式brunch将鸡蛋多士烟肉转成中式点心。棉花鸡份量大而且充满汤汁，外层腐皮包住鱼肚，冬菇及鸡肉。腐皮带豆香而且吸满鸡汁香而唔油腻。同时间内里既鱼肚口感软绵同样吸满汤汁，一咬开就渗出大量汤汁溢出。鸡肉香嫩滑溜,冬菇爽弹又多汁唔会干。烧卖皇烧卖上放上一颗大虾仁及洒上少少蟹子，入口爽弹鲜香。底下猪肉烧卖同样口感弹牙,肉质唔会死实实而且带住肉香。马拉糕马拉糕颜色呈焦糖色，内里带住蜂巢状。入口松软湿润又唔会黐牙。带蛋香又香甜，最重要系唔会过甜腻。蒜蓉炒西兰花蒜蓉味浓香，配上炒西兰花好清新。西兰花唔会有青涩味，口感爽脆咸香。