甜在心 (已結業)

今晚一大班人放工之后去咗佐敦嘅一间糖水铺，唔知食边间嫁，所以见到地方唔错就行咗入去啦。甜在心～我地入到去叫咗我地𠮶个都想食嘅杨枝甘露，而其中一个朋友叫咗杨枝甘露加芒果布甸！𠮶杨枝甘露不过不失，唔会话有太重奶味，但系又唔太重嘅芒果味！不过都几足料嫁，啖啖都系芒果肉，所以都唔会话好甜。而个芒果布丁，当然都系啖啖果肉啦，再加上冻冰冰嘅杨枝甘露系绝配。环境唔错，入到去唔需要等，虽然系细细间，但都有大枱啱哂6-7个人嘅聚会。亦都有2个人嘅沙发位，好啱情侣去嫁！我同班朋友最中意嘅除咗甜品，系佢地啲座位！可能系番工企得耐，一坐咗上去，软绵绵咁好舒服！