影片
更多
2012-12-22
9509 浏览
计起嚟，彩晶轩确喺帮衬较多嘅集团式嘅酒家，饮早茶，晏昼饭，食夜晚都帮衬过，几次嘅观感都几好，否则都唔会仲有帮衬啦。一班以前晌制衣厂做嘅老友，隔一、两年又会出嚟饭聚，就大部份人都会拣番晌观塘食，无嚟几年，依区又变化好多。事前订位，原属去apm，不过好多心水餐厅都撞板，一喺就分两轮时段，一喺就限时交枱，结果就揾到开源道鳄鱼恤中心嘅彩晶轩，又唔分时段又无限时，绝对啱我哋慢慢食慢慢倾。其实有几款菜式之前食过，打算喺心水推介俾大家，可惜似乎又唔多啱佢哋口味，故此，就等佢哋下决定，小弟就轻轻松等食，哈哈！澄海老四冰镇鹅肉卷 $48唯一佢哋接受小弟推介嘅冷盘，以卤豆腐皮包住鸭丝、甘笋丝、芹菜丝……，以烟熏代蒸，浓香嘅烟熏味，又冰冰凉凉，内里带少少爽口，喺一道有个性嘅冷盘小食，最紧要大家都话好味。佛山自家分蹄 $38虽无特别，但算喺一道稳稳阵阵嘅餐前小食。左宗棠手拍小青瓜 $38「手拍」就明显唔喺，条条切得「齐辑辑」兼排得整整齐齐，不过，胜在青瓜仔食落非常爽脆，有点点蒜头香。例汤:：猴头菇煲猪展 $68是日例汤喺猴头菇煲猪展，一窝分到7碗左右，睇汤渣足有两大旧猴头菇，落料都算足。味道其实无咩特别，只喺
一班以前晌制衣厂做嘅老友，隔一、两年又会出嚟饭聚，就大部份人都会拣番晌观塘食，无嚟几年，依区又变化好多。事前订位，原属去apm，不过好多心水餐厅都撞板，一喺就分两轮时段，一喺就限时交枱，结果就揾到开源道鳄鱼恤中心嘅彩晶轩，又唔分时段又无限时，绝对啱我哋慢慢食慢慢倾。
其实有几款菜式之前食过，打算喺心水推介俾大家，可惜似乎又唔多啱佢哋口味，故此，就等佢哋下决定，小弟就轻轻松等食，哈哈！
澄海老四冰镇鹅肉卷 $48
唯一佢哋接受小弟推介嘅冷盘，以卤豆腐皮包住鸭丝、甘笋丝、芹菜丝……，以烟熏代蒸，浓香嘅烟熏味，又冰冰凉凉，内里带少少爽口，喺一道有个性嘅冷盘小食，最紧要大家都话好味。
佛山自家分蹄 $38虽无特别，但算喺一道稳稳阵阵嘅餐前小食。
左宗棠手拍小青瓜 $38「手拍」就明显唔喺，条条切得「齐辑辑」兼排得整整齐齐，不过，胜在青瓜仔食落非常爽脆，有点点蒜头香。
例汤:：猴头菇煲猪展 $68是日例汤喺猴头菇煲猪展，一窝分到7碗左右，睇汤渣足有两大旧猴头菇，落料都算足。味道其实无咩特别，只喺广东人总喜欢饮饮老火汤啫。
干清宫保甜酸明虾球 $98泡好嘅虾球配以西芹、青椒、木耳同炒，虾球非常爽口弹牙，虽然甜酸味唔太突出，但喺就几有辣劲。几款料头都喺爽脆嘢，木耳较为好食！
红楼雪菜毛家竹笙焖豆腐 $78豆腐先泡油再焖，内里好嫩滑；而竹笙嗦咗茨汁，颇入味；最可惜喺整道菜过咸，相信唔关加咗雪菜事，因为下面个炒年糕都有用雪菜，但就无过咸情况出现，估计都喺大厨下盐重手咗。
玉露凝脂上汤霸王鸡 $110（半只）叫得「霸王鸡」，心想有番咁上下睇头，但真喺估唔到咁细得可怜，睇相你就见，半只仲要卖成$110。佢哋喺咪应该揾只细啲合比理嘅碟呢？唔使睇落只鸡更细，仲要伴住啲咁大条嘅芥菜胆添。还好嘅喺只鸡肉质嫩滑，否则就呻笨喇！
八月黄桂花蚌炒年糕 $78以热窝盛上，时刻保持住啲年糕热度。炒年糕加咗少少雪菜、辣椒丝，少少惹味，而年糕口感烟韧，整体味道唔错。桂花蚌又喺白雪雪，混晌啲年糕中变得唔喺好觉，其实都唔算少，质感颇爽身。
甜品以中式酒楼计，甜品、糖水一环都较忽略，但彩晶轩属于少数会提供多样化甜品嘅酒家。甜品纸一共有成12款之多，仲要唔喺红豆沙、绿豆沙、芝麻糊之类普通嘢。再者价钱平到你唔信，仲平过去糖水铺，不过唔好开心住，查实份量超迷你，可以称得上一口甜品。
法式焦糖炖蛋 $10较重蛋味，奶香略嫌轻手，而焦糖效果喺有嘅，但无脆糖嘅质感。
不一样心太软 $12
据有份食嘅老友讲，流心效果久奉，焗过笼，但朱古力味够强几浓，当朱古力蛋糕嚟食都唔错。
杨枝甘露 $12
小弟拣嘅喺杨枝甘露，西施柚肉较为碎湿湿，汁底方面奶味重而冚过晒啲芒果味，所以$12虽平，但唔叫抵食。
果盘彩晶轩有样嘢好，就喺食晚饭送果盘，仲要唔喺「求其」俾啲西瓜、橙之类，今晚就有菠萝、西瓜同哈密瓜，菠萝喺新鲜货色，西瓜同哈密瓜就去晒皮，依个传统值得保持。
以前做过嘅工，跟旧同事闲时约一约食番餐，虽然倾得有限，关心亦都有限，不过，时隔十数年，仍能保持到跟佢哋份友谊，感觉喺难能可贵啊！张贴
