陳儀興飯店 (嘉悅)

营业中

休息中

以為成日同朋友去新蒲崗做gym，做gym之前會食陳儀興飯店。陳儀興飯店主打潮州菜打冷，最近先知將軍澳都有分店，而屋企人係潮州人，所以今日決定外賣同屋企人分享。今日係第一日有返堂食，餐廳已經座無虛席，收銀後面係一列放左生猛海鮮既水箱。- 避風塘粟米拎到返屋企凍左少少，不過栗米仍然香甜，同時避風塘風味令粟米變得更惹味！- 元朗黃油烏頭魚作為潮洲人凍烏頭係我最愛！陳儀興飯店既烏頭魚肉質清甜唔會太老，黃油令烏頭更加鮮，配上普寧豆醬加添一份鹹香。- 脆盞生炒骨份量好多，至少有十件以上。排骨好掛汁，甜酸味道幾平衡，口感帶少少脆口，肉味亦香濃，不過有少少筋所以帶嚼勁。- 薏米水入面有薏米、龍眼同紅棗等健康食材，不過味道太甜。整體而言，每道菜式好味又大份，父母都讚不絕口！