極尚大喜屋 (加連威老道) (已結業)

好似有成年冇食过放题，前日同朋友讲讲下就约左去食，好彩有预早订位，book左8点半，个日都吾少人系门口排队入座。入到去第一件事，紧系要睇哂所有点食物既纸，然后点我地最钟意既鱼生。望落好新鲜，尤其三文鱼，色泽鲜艳，重要系厚切，一大啖咁食就最享受架啦。相比甜虾鲜甜，海赤虾就比较爽口，2款都值得叫。今次重有新出既象拔蚌，几爽口。而松叶蟹脚系季节限定，紧系要试下，几甜，要自己拆开。钟意食刺身既我地，重叫左2round，哈哈。呢间放题既寿司都好有特色，所以我地叫左几款黎试。当中我最钟意龙虾膏带子甜虾寿司，好香浓既膏味，带子亦甜，好夹。点少得叫烧元贝，有沙拉同芝士，虽然好heavy，但绝对yummy。烧鳗鱼都吾错，肉质鲜嫩，够厚，冇骨，烧汁入味，一大啖食，正！因为平时钟意饮梅酒，所以叫左，酒味吾算太浓，几岩新手饮。炸物方面，最钟意系芝麻鸡翼，非常香脆入味，而炸猫山皇都好浓榴连味，非常甜。牛舌烧得几好，又够厚。牛柳粒份量吾算多，适合放题食，煎得几香，吾韧。最后我地重叫左1人一杯雪糕做结尾，非常满足。