天然豚骨拉麵專門店一蘭

营业中

休息中

久别重逢一兰拉面🍜做完运动经过谢斐道一兰，突然想听饮佢个汤底，就入去开餐了。晚餐时间竟然唔洗排队，可知以前系排长龙。入到去依然有一兰好独有既孤独座位😂啱晒我一个人又唔洗同人搭枱对住人地食咁尴尬。相信大家都系叫同一款拉面，唔同嘅系可以拣面嘅软硬度、汤既油脂同浓度、加唔加蒜葱辣椒等等。我仲加多左一份配菜，有叉烧、木耳、溏心蛋、紫菜。首先食咗个汤底先，我拣咗浓郁同埋重油脂嘅汤底。味道真系好重味，油脂味都好香。食唔惯浓味既朋友建议拣清淡d，如果唔系可能会觉得咸。蒜拣左多量，但好似冇乜蒜味，反而辣味就好够。叉烧好软熟，入口即溶。就咁一个拉面我觉得唔够喉，绝对要加个配菜食先爽。但当然一兰拉面系香港都系偏贵。当然间唔中食一次都唔错。