珍姐廚房

营业中

休息中

自从搬咗出嚟住之后，就一直好少食到住家饭。今日同朋友想重拾番家嘅温暖，就去试一试屋企附近嘅呢间珍姐厨房。豉椒蒸仓鱼（$75）仓鱼蒸得啱啱好，食落唔会太老，鱼油充沛，肉质柔软嫩滑，鱼汁加少少豉油将鱼嘅鲜味引发哂出嚟，用嚟送饭简直系一流。蒜香炒菜苗（$58）菜苗好新鲜，再用爆香左嘅蒜头炒一炒，非常之入味。油亦都唔会落得太多，系健康之选。土鱿蒸肉饼（$42）土鱿肉饼好足料，食落有啖啖土鱿肉。蒸饭嚟讲，时间蒸得恰到好处，饭唔会太干身，肉汁都锁住系肉入面。香滑炖蛋（$28）食完饭紧系要嗌番个甜品，炖蛋比起出面嘅糖水舖有啲唔同，味道唔会太甜，食落仲好香滑。