影片
更多
2018-11-15
3808 浏览
今个星期系咁出去同另一半食饭，同佢食足一星期生日饭，佢比较中意食中菜，我自己又好耐冇食过北京菜，所以就拣左间食北京菜既餐厅。环境装修以古代宫廷为主题，内有两层，下层有枱花轿，走上楼梯后就到坐位位置，成间设计都好古色古香，感觉上同屋企人黎食，或者一大班亲戚/公司团餐好适合。免费前菜(茶芥$15/位)凉拌莲藕片，姜味较重，都几爽脆。午门面青 $118有惊喜，原来系炒猪颈肉配炸山芋，主要用左豉油、蚝油、糖调成酱汁，非常上色，而且十分够味，食落咸咸甜甜咁，送白饭一流，而炸山芋好香口脆身，加上够薄身，食落有啲似薯片，少左薯片既油腻感，配上带点肥肉既猪颈肉好夹，我好中意呢碟午门面青！胡同牛肉刀削面 $88份量都唔少，牛肉系好似沙嗲牛果款嫰牛肉，几滑同稔身，而刀削面口感弹牙，汤底清甜，带淡淡牛味，不过刀削面唔系好挂到汁，所以食落好似差啲咁。北京填鸭 $218(半只)黎到专食北京菜既「北京老家」点可以唔食北京名菜式「北京填鸭」？已经好耐无食北京填鸭，以前系北京生活过一个月，果时都间唔中去食下，都食过啲好令我回味既餐厅，佢地既北京填鸭真系为之惊人，相隔左一段时间冇食，好令我期待。不过是日上枱速度好慢，眼
环境
装修以古代宫廷为主题，内有两层，下层有枱花轿，走上楼梯后就到坐位位置，成间设计都好古色古香，感觉上同屋企人黎食，或者一大班亲戚/公司团餐好适合。
免费前菜(茶芥$15/位)
凉拌莲藕片，姜味较重，都几爽脆。
午门面青 $118
午门面青
$118
73 浏览
0 赞好
0 留言
午门面青
$118
59 浏览
0 赞好
0 留言
午门面青
$118
54 浏览
0 赞好
0 留言
有惊喜，原来系炒猪颈肉配炸山芋，主要用左豉油、蚝油、糖调成酱汁，非常上色，而且十分够味，食落咸咸甜甜咁，送白饭一流，而炸山芋好香口脆身，加上够薄身，食落有啲似薯片，少左薯片既油腻感，配上带点肥肉既猪颈肉好夹，我好中意呢碟午门面青！
胡同牛肉刀削面 $88
胡同牛肉刀削面
$88
64 浏览
0 赞好
0 留言
胡同牛肉刀削面
$88
46 浏览
0 赞好
0 留言
份量都唔少，牛肉系好似沙嗲牛果款嫰牛肉，几滑同稔身，而刀削面口感弹牙，汤底清甜，带淡淡牛味，不过刀削面唔系好挂到汁，所以食落好似差啲咁。
北京填鸭 $218(半只)
黎到专食北京菜既「北京老家」点可以唔食北京名菜式「北京填鸭」？已经好耐无食北京填鸭，以前系北京生活过一个月，果时都间唔中去食下，都食过啲好令我回味既餐厅，佢地既北京填鸭真系为之惊人，相隔左一段时间冇食，好令我期待。不过是日上枱速度好慢，眼见迟过我地入座既食客都已经上左呢道菜，但我地等左成个钟都未有，呢点有啲令人泄气。上枱后觉得摆盘有啲懒散，望落份量好少，饼皮较为稔同厚身左少少，放上烤鸭、青瓜条、京葱等配料，再沾上甜面酱，烤鸭皮脆，带少许油脂，但肉质就比较嚡口同韧啲，整体中规中矩。
埋单总共系$500左右，唔算好贵，有饱肚感不过都唔系话特别饱，但都够既，我就觉得以佢既装修同埋食物黎讲，价钱合理，如果服务同埋食物上枱时间再好啲就更好。
附：餐牌参考(实在有太多选择，真系影唔哂)
张贴
