Shine (已結業)

之前嚟过好几次呢间Shine餐厅，但因为太忙同埋喺疫情之下好少出去食既呢两个原因，好耐都冇嚟呢间餐厅食啦，印象中Shine系一间几唔错嘅西餐厅，食物质素同埋用餐环境都可圈可点，而且价格唔会好贵，性价比唔错。今次除左叫左以前食过几中意食既烧西班牙黑毛猪扒配苹果蓉之外仲叫左个新试既北海道带明太子意粉配三文鱼籽，个带子好新鲜，食落去非常鲜嫩，食得出系北海道带子黎既，而且成个意粉都真系啖啖都有明太子味，感觉如果系中意食明太子嘅人应该会好中意食。