MOS Burger (已結業)

上次去MOS Burger都已经系年头既事，今日有时间，近近地去呢度食午餐啦。呢间都开左一段时间，但我都无机会去。今次食辣味鸡汉堡，薯条加大同饮鲜奶红茶。一俾左钱，有个牌俾你，之后找位坐再有专人俾个餐你。呢样同沙田、APM最唔同既地方，舖头果然系舖头。讲下食啦，辣味鸡汉堡就唔辣既。但胜在蕃茄够爽口，而鸡扒都唔错啦，粉又唔会太厚。食得过。薯条就好大条而且好香脆可口，摆多阵都唔会林。个鲜奶红茶既系西式既奶茶，本来都唔系太夹既。但将佢地既奶精沟入茶到又几好饮呀，可能系日本既奶精合我口味啦。顺带一提，原来随左加大薯条外，仲将饮品加大。好！而加做紧两周年推广，凡购买套餐可以送Jelly乙杯。咁正既一餐，实有下次既。