韓牛牧場 (已結業)

久违嘅放纵日一定要食餐好嘅，友人介绍咗一间标榜无烟韩烧餐厅，原来全场都系用光波炉面唔系典型嘅韩烧炉，一嚟无咁热，二嚟食完唔系成身都有烧烤嘅味道👍🏻世子牛盛放题分入座时间有唔同嘅价位，识食嘅你可以早少少嚟又可以避开人潮又可以平dd 😆😆除咗部分极上定量制作系每台一round 外，其他肉类、刺身、主食、前菜等都系任饮任食嘅👍🏻入座后店员会随即安排6色刺身拼盘、4合时令海鲜拼盘、4合安格斯牛肉盛合，韩牛寿司同酱油虾，加单只需要scan 1 scan QR code 就可以落单，方便卫生又环保♻️6色刺身拼盘其实唔止6款，有齐肥美三文鱼、新鲜虎虾、爽口北寄贝同鱿鱼🦑，少有嘅荣螺都好爽口👍🏻4合海鲜拼盘同牛肉盛合都相当唔错，但唯独份量就较少，如果可以refill 就更加好啦。除咗牛肉同海鲜，任食list 仲有好款猪肉、鸡肉、多春鱼、帆立贝等等。另外仲有大量熟食可以系等烧肉变熟嘅同时都可以keep 住食野，最惊喜嘅系哩到嘅炸物相当出色，炸粉超薄身又劲脆，上台仲系热㷫㷫卜卜脆，椰汁流心球同紫心香芋丸必试推介👍🏻👍🏻