新記雞粥 (鴻禧大廈)

营业中

休息中

虽然妈咪煮得一手好菜，但有时佢都会觉得攰想出街食， 屋企附近有间粥品小炒店系我地成日帮衬嘅。今晚我地又嚟喇。有一道菜系我地每次来都必点的， 就是义烧炒蛋， 佢地嘅义烧质地唔错， 蛋炒得几滑但唔系沟水𠮶只。今次唔系同弟妇嚟唔使走葱就更香口好味。平时我地小菜会加钱跟餐的，有饭有汤或饮品， 但今晚我地就散点左炒米粉。米粉炒得好清爽干身， 只系简单加左韮黄芽菜同火腿丝已经好好味。妈咪仲赞佢用嘅米粉好好， 唔会起硬骨。见我食左几日辣野， 妈咪就话不如点个枸杞猪润汤饮下， 明目清肝㖞。我不嬲都唔钟意饮汤嘅， 不过就钟意食佢啲猪润， 所以都ok.最后始终都忍唔到口， 叫左个酥炸鱿鱼😆， 佢啲鱿鱼实在柔软， 脆浆香口薄身， 真系好好味。因为有煎炸野， 所以我就叫左杯龙眼冰。其实之前未叫过， 所以见到佢登场时俾佢鲜绿色嘅造型吓亲😅，太小孩了耶！不过有七喜底还算解渴。