八沢 (杏花新城) (已結業)

中同聚会，其实大家都住附近，不过每次约亲，都首选八沢做聚会老地方。黑松露忌廉海鲜乌冬，呢个乌冬啲𩠌都几多，有三文鱼啦，大大只带子啦咁，本身仲谂住系海鲜大杂烩添，不过见到咁大只带子都收货啦！白汁好味！😋安格斯肉眼牛扒饭，啲仔都系钟意肉肉肉，佢跟咗个小蕃茄沙律同个汁分开上，呢个咁嘅上碟方式几好，唔使特别讲明汁另上，赞好！👍🏻👍🏻👍🏻啲肉仲已经切好，唔使自己锯扒啱晒懒人！日式滑蛋叉烧饭，呢个新嘢黎，上次都未有得食，日式叉烧较为健康，可能用慢煮，肉质系几嫩滑，蛋又滑，简简单单已经好好食🤤🤤🤤仲有个带子冷乌冬，个汁酸酸甜甜好开胃，加埋芥末刺激下鼻腔，哇！爽啊🥹谂起辣辣寿司边个食😭粒带子都爽甜无怪味！外加个芝麻酱滑豆腐，普通又唔系贵，可一试。😗