影片
更多
2023-10-30
804 浏览
同老婆晌荃湾食完晏昼，再直接起步行转短山，最后落返「绿杨」，见到呢间「臻・茶」唔太多人排，又可以用Openrice Pay，而我仲有少少Openrice Point，一于用埋佢，请老婆饮杯「百香果茶」。 铺侧嘅彩色灯箱，有晒餐厅嘅所有出品，或者晌收银旁亦有整张餐牌，分为传统奶茶、黑糖系列、邪恶系列、本店限定、芝士系列、梳打系列、季节限定、爽爽系列、水果茶系列及及热饮。 此外仲有啲优惠产品嘅推广，比正价平几蚊。我埋到去落单嘅时候讲话想扣Openrice Point，个店员坚持要我自己用Openrice个Apps落单，但个Apps会自设自取外卖会迟10-15min。但等等下都唔对路，见好多现场落单嘅人都有得攞，我就埋去问问，佢哋只会做咗现场落单嘅客先，Apps落单会排到后面先做，真喺唔知喺店家嘅问题，定喺Openrice嘅问题。满杯百香果 $30就番老婆喜好，拣咗少冰、半糖，目测所见，睇店员冲嘅时候，落百香果浆都唔知有无杯量嘅1/10，所以，百香果嘅酸爽味好弱，有失满杯之名，就算加咗半粒青柠，因为晌杯内浮浮沉沉，都几难笃，所以，唔会太易饮到青柠嘅清香，基本上喺有少少近乎纯茶一杯。 第一次接
铺侧嘅彩色灯箱，有晒餐厅嘅所有出品，或者晌收银旁亦有整张餐牌，分为传统奶茶、黑糖系列、邪恶系列、本店限定、芝士系列、梳打系列、季节限定、爽爽系列、水果茶系列及及热饮。
此外仲有啲优惠产品嘅推广，比正价平几蚊。
我埋到去落单嘅时候讲话想扣Openrice Point，个店员坚持要我自己用Openrice个Apps落单，但个Apps会自设自取外卖会迟10-15min。但等等下都唔对路，见好多现场落单嘅人都有得攞，我就埋去问问，佢哋只会做咗现场落单嘅客先，Apps落单会排到后面先做，真喺唔知喺店家嘅问题，定喺Openrice嘅问题。
满杯百香果 $30就番老婆喜好，拣咗少冰、半糖，目测所见，睇店员冲嘅时候，落百香果浆都唔知有无杯量嘅1/10，所以，百香果嘅酸爽味好弱，有失满杯之名，就算加咗半粒青柠，因为晌杯内浮浮沉沉，都几难笃，所以，唔会太易饮到青柠嘅清香，基本上喺有少少近乎纯茶一杯。
第一次接触呢个品牌，由服务到饮品，感觉真喺麻麻地唔好。当然今次只喺试咗佢哋一杯百香果茶，不足以代表所有出品，但就足以令我唔会帮衬第二次啫！
张贴
