影片
更多
2014-10-12
2306 浏览
成日听身边朋友讲好烦，有啲故之然喺人事或制度嘅问题，但有啲源于唔知足，对现况好多嘢都不满，当然，人人都有自己嘅追求，不过，晌心态上做到知足就常乐嘛。典故都有讲：乐天知命，故不忧。虽然我唔多信宿命论，但自觉都算喺个乐天派嘅人，食几多，著几多，都唔使下下强求，就好似今晚嚟到乐天皇朝，好味，唔好味，细意品尝，学习欣赏，心情可以轻省好多。由开业至今都成5个月，估唔到都仲喺咁多人，虽然铺面外仍有数张4人枱空著，不过，眼见好多客人宁愿等入面都唔坐出面嘅「商场」位，大抵感觉好似被「楼上」嘅人望实晒。入到铺内，感觉又确喺值得等吓嘅，大堂正中间一个长型水池，池上以青铜莲花灯做装饰，池尾挂著一件透明龙袍，堂皇型格；左右几边都喺卡位，前后都有通花屏风，感觉通爽而不失保留多点私隐，而其他几边仲有啲4、6人枱。入门口左边就喺厨房嘅一部份，透过玻璃就见到多位师傅密密搓、密密包，正正制作紧店家嘅招牌之一「乐天皇朝八种口味小笼包」。虽然嚟之前都已经有几样心水，但都要翻一篇餐牌，睇睇仲有咩好嘢食。除小笼包外，类别仲有点心、汤、凉菜、经典小炒、饭面、拉面、甜品、饮料，以及另一个独立新推「新加坡风味」，全部图文并茂，中英文
由开业至今都成5个月，估唔到都仲喺咁多人，虽然铺面外仍有数张4人枱空著，不过，眼见好多客人宁愿等入面都唔坐出面嘅「商场」位，大抵感觉好似被「楼上」嘅人望实晒。入到铺内，感觉又确喺值得等吓嘅，大堂正中间一个长型水池，池上以青铜莲花灯做装饰，池尾挂著一件透明龙袍，堂皇型格；左右几边都喺卡位，前后都有通花屏风，感觉通爽而不失保留多点私隐，而其他几边仲有啲4、6人枱。
入门口左边就喺厨房嘅一部份，透过玻璃就见到多位师傅密密搓、密密包，正正制作紧店家嘅招牌之一「乐天皇朝八种口味小笼包」。
虽然嚟之前都已经有几样心水，但都要翻一篇餐牌，睇睇仲有咩好嘢食。除小笼包外，类别仲有点心、汤、凉菜、经典小炒、饭面、拉面、甜品、饮料，以及另一个独立新推「新加坡风味」，全部图文并茂，中英文对照，唔会错估其他菜式，又有晒编号，唔会嗌错嘢落错单。
其实，乐天唔止环境花咗功夫，就连餐具都一丝不苟，泥啡色嘅匙羹及餐碟，都印有店家名号及龙嘅暗花。
皇朝小笼包（八种口味） $88虽然8种味道嘅小笼包都可以个别散叫（分6粒份及10粒份，价钱视乎味道有别），但第一次嚟又或多心嘅人，点一笼有齐8款嘅「八种口味小笼包」应该喺最正路，不过，一次嚟3笼会唔会有点夸呢！晌个餐牌里，连个食法都介绍埋，认真细心。有朋友觉得有点贵，但试过又觉得值㖞。
8种味道包括原味、人参、鹅肝、黑松露、芝士、蟹粉、蒜香及麻辣，每一个由唔同颜色去区分，未食已觉得好养眼，而餐牌都说明所有颜色都采用全天然色素去做，应该可安心食用。如果唔喺个店员再提一提，真喺忘记食依8款小笼包喺有个次序, 由淡至浓，不过，个人嚟讲，就觉得唔使太需要跟佢建议个次序，食完一个饮啖茶就可以嘞，况且，又唔喺一次试晒咁多款味道，但食「有味」嘅小笼包就真喺强烈建议唔好蘸醋，免影响咗个别味道。
原味 - 米白嘅原味，外皮相当薄，但仍有一定韧性，夹起都唔会轻易穿。一咬爆汁，小心慢食，而肉馅松化唔死实，鲜甜美味。
鹅肝味 - 啡黄嘅鹅肝味，一入口有啲惊喜，真喺嗒到甘腴嘅鹅肝，连带汤汁都有少少甘甜。
黑松露味 - 乌黑发亮嘅黑松露味，散发幽幽香气，估唔到黑松露味好突出，无谂过跟小笼包都夹到。
芝士味 - 橙黄色嘅芝士味，唔单汤汁多，晌猪肉内真喺拉得出一丝丝芝士，口感非常过瘾。
蟹粉味 - 橙啡色嘅蟹粉味，都担心会唔会将货就价，不过，食过就觉得谂多咗，因为蟹味浓郁。
蒜香味 – 泥灰色嘅蒜香味，蒜香突出已在预期之内，但咬落有粒粒炸蒜嘅脆口感，倒是意料之外。
麻酱油麦菜 $48依碟喺食友推介必试，其实油麦菜都食唔少，尤其豆豉鲮鱼炒油麦菜，不过，作为凉菜食都喺第一次，好有新鲜感。翠绿嘅油麦菜卷起并以薄薄青瓜捆成一扎一扎，叠成山丘状，卖相已感觉好清新，食落原来非常爽脆，咬落喺「索索声」；沾一点自家制麻酱，使清新变成香浓，尝出另一种感觉，果然喺必试推介。
香辣蒜泥白肉 $58蒜泥白肉晌唔同嘅店子食过唔少遍，一向佢个形象都喺薄切一片叠一片，但乐天嘅蒜泥白肉做得好别致小巧，腩肉依然切得非常薄，又唔会好多肥膏；卷起好多青瓜条，再淋上香辣蒜泥，辛香惹味之余，口感清爽好多，好有心思嘅做法。
香浓咖啡骨 $684款新添嘅新加坡风味菜式中，可能对咖啡有点偏好，所以，对个香浓咖啡骨好有期望。深到近黑嘅咖啡骨，可能卖相有啲唔讨好，但味道绝对有特色。虽然称为骨，但用上猪扒做，啖啖肉，加上质感好松化，部份边位又有焦脆效果，叫人食得满足；撒上少少杏仁片，除点缀一下，会唔会有种好似「饮」榛子咖啡嘅错觉呢？而个汁嘅咖啡味道好浓香，个人稍嫌偏甜，事后向店员反映，原来个汁加入咗苹果焖煮，若再稍微减少少甜度相信更适合大部份港人。见佢依次个新加坡风味菜做到10月尾，既然个咖啡骨咁有特色，希望正式放入大牌度，或再做长少少，等小弟可再带朋友去试。
喇沙海鲜拉面 $78晌大牌度又唔少拉面选择，招牌之一喺猪骨汤拉面，亦有多款非猪骨汤拉面，合共近20款，不过，既然期间限定嘅新加坡风味有一款喇沙拉面，喺咪应该先试依个呢？
喇沙拉面有配海鲜或鲜肉卷，前者卖$78，后者卖$58。汤底好坏喺个好决定嘅因素，而佢哋个喇沙汤底好香浓、带少辣，个人稍嫌杰咗少少，但已经值得俾高分，故此，都差不多被小弟饮晒；至于面条，可以见到晌厨房有师傅即场手打，新鲜度不用怀疑，粗幼度适中，入口好有咬口，咪睇佢好似细细碗，面条查实有好多，而材料有鲜虾、豆卜、溏心蛋，虾只爽弹，只蛋嘅溏心效果不俗，不过，用「海鲜」有啲言过其实，改为喇沙鲜虾拉面会合宜啲。
高丽豆沙 $30一客有3件，炸得涨涨，糁上糖霜，好传统嘅沪式甜点。个皮比较厚，但不失软绵，豆沙蓉唔算好多，香蕉肉则比其他店相对多，两者夹杂仍然清甜滋味。
晌枱上仲楝咗个「下午茶优惠」，睇住佢鸡乸咁大个「五折」二字，超吸引，再睇条款及细则，都预咗只喺星期一至五下午茶时段供应，仲唔包假日；不过，半价优惠已涵盖小笼包、点心、汤、凉菜、拉面几大类，实在非常吸引，啱晒轮班制嘅朋友、师奶们、有闲假多嘅人……，又唔使点等位，又有半价，超笋啰！
乐天皇朝唔单止8色小笼包有卖点，其他菜式又好食，久唔久又加啲新推介菜式嚟增加新鲜感，已谂定好下次舅仔生日饭就一于晌食度，因为佢喺食小笼包专员！
张贴
