影片
更多
2015-07-11
1610 浏览
啱啱晌旺角上完啲兴趣班，约咗面包班同学仔同佢老婆一齐嚟个甜品下午茶就最好不过，顺便聚一聚，又研究吓整甜品嘅心得，而尝甜地点就喺晌附近嘅「Joyful Dessert House」，之前，从食友嘅食评都见到其芭菲杯出色，依刻终有机会一试！原来店子星期日开3:00pm，去到啱啱开铺。店内堂座呈L形，木纹地砖配白砖墙，简洁雅致，而枱櫈都衬番一式，以白木为主，有种暖和嘅感觉。墙上少少各地名胜相片，好点缀一下。虽然开铺无耐，但坐吓坐吓都已经有五乘几满。影低餐牌都成为指定动作，俾大家参考之余，又可为自己作为一份记录。头几页叫Joyful Choice，有唔同类别嘅甜品，应该喺店家嘅推介。跟住，其他嘅系列，仲有拿破仑、窝夫、疏乎厘、绵绵冰、奶冻，以及一系列饮品，多款饮品。全部甜品都图文并茂，有图有相，就算出嚟嘅成品无十足，都足以有个明确嘅参考。烧菠萝雪葩 $48通常实物会比餐牌嘅相片少啲，但依份烧菠萝雪葩就啱啱相反，叠得好高，好大份。菠萝味嘅雪葩好清甜，入口冰凉，凉爽入心，而且几软滑，唔会有太多「冰粒」感，再者，烧菠萝烧过之后，甜味更浓缩，又带点点烧焦，唯一美中不足就喺溶得快！冲绳黑糖Oreo芭菲
原来店子星期日开3:00pm，去到啱啱开铺。店内堂座呈L形，木纹地砖配白砖墙，简洁雅致，而枱櫈都衬番一式，以白木为主，有种暖和嘅感觉。墙上少少各地名胜相片，好点缀一下。虽然开铺无耐，但坐吓坐吓都已经有五乘几满。
影低餐牌都成为指定动作，俾大家参考之余，又可为自己作为一份记录。头几页叫Joyful Choice，有唔同类别嘅甜品，应该喺店家嘅推介。
跟住，其他嘅系列，仲有拿破仑、窝夫、疏乎厘、绵绵冰、奶冻，以及一系列饮品，多款饮品。全部甜品都图文并茂，有图有相，就算出嚟嘅成品无十足，都足以有个明确嘅参考。
烧菠萝雪葩 $48通常实物会比餐牌嘅相片少啲，但依份烧菠萝雪葩就啱啱相反，叠得好高，好大份。菠萝味嘅雪葩好清甜，入口冰凉，凉爽入心，而且几软滑，唔会有太多「冰粒」感，再者，烧菠萝烧过之后，甜味更浓缩，又带点点烧焦，唯一美中不足就喺溶得快！
烧菠萝雪葩
$48
82 浏览
1 赞好
0 留言
几款芭菲似乎颇受欢迎，因为见唔少食评都有提，相熟嘅食友都赞好，所以，无理由唔试。冲绳黑糖Oreo芭菲，以修长窄身玻璃杯将富奶香嘅软雪糕跟冲绳黑糖浆一层又一层唧上，中间又加入黑糖果冻，面层配以云呢拿雪糕球、士多啤梨、原件Oreo、朱古力百力滋及Oreo饼碎作装饰，大羹大羹几样嘢捞埋嚟食，滋味得妙不可言，冲绳黑糖嘅纯香，宁舍特别。
冲绳黑糖Oreo芭菲
$56
103 浏览
2 赞好
0 留言
芒果拿破仑 $58晌碧绿嘅抹茶酱衬托下，卖相攞晒分，3层长条形酥皮夹杂吉士，加上大大粒芒果果肉及杏仁片，绝对充满芒果诱惑。每件酥皮打横睇已见其层次清晰，入口甘香酥脆，吉士则香甜幼滑，只嫌蛋味太薄；芒果肉够晒香甜，芒果雪糕亦富芒果香，冰凉而唔会硬绷绷。
芒果拿破仑
$58
70 浏览
3 赞好
0 留言
橙酒疏乎厘 $48写到明等候需时，表示即叫即焗，当然，食开疏乎厘嘅人都知，疏乎厘都无得做定。先讲卖相，算得上高水准表现，因为粉浆焗到离杯口有近一倍多高，挺身而无侧埋一边，疏乎厘表面又色带金黄，因为做疏乎厘嘅粉浆及烘焗实在唔易掌握。至于个疏乎厘味道喺点？入口好轻盈，好似棉花糖咁软绵，又带有淡淡橙香及少少酒味。
橙酒疏乎厘
$48
98 浏览
2 赞好
0 留言
Mr. Black奶冻 $52奶冻有3款口味：伯爵茶、云呢嗱及Mr. Black嘅朱古力。咪睇佢外表「黑古勒突」，自似平平无奇，真喺要起佢底先知佢有「内涵」。表面除有啲杂莓做装饰，朱古力雪糕下底原来加有啲班尼士朱古力粒，朱古力味浓郁；而下面嘅朱古力奶冻，挺身而软滑，朱古力味亦都不俗，整个甜品实在唔错。顺带一提，几款甜品配衬唔同味道嘅雪糕球，虽然唔知咩品牌，但质素唔错，软滑浓郁。
Mr. Black奶冻
$52
71 浏览
3 赞好
0 留言
最后，我哋都喺无点到心太软，但见隔离枱嘅绿茶心太软伴雪糕，非常吸引，正所谓隔离饭香；但我哋3个人，已经品尝咗5款甜品，其实都算少少过份，之不过作为下午茶，喺要尽兴啲先得嘅。无论食，还是整，我同面包班同学仔对甜品真喺乐此不疲，更喺乐在其中！
张贴
