天樂餐廳

营业中

休息中

好耐之前电视介绍过，已经好想试吓，不过住得远，一直都冇动力。近期电视又介绍㖞，决定带埋两个仔去试吓先。午市时间刚开始，都好快有位，职员冇推介，亦无比餐牌我，于是只好睇下放在枱上的午餐牌，原来其中两样最出名嘅瑞士汁河粉同鸡翼都是午餐套餐，细仔好细食，所以三个人只点了两个餐。餐汤我叫了罗宋汤，对版嘅！两个小朋友分咗碗忌廉汤。河粉好快到，味道OK嘅，不过唔系干炒牛河𠮶种镬气嘢，同自己想像中有出入。鸡翼系中翼连翼尖的，都OK好食㖞，两个小朋友食到污嘴狗咁！叫完餐饮先听到后面枱客叫红豆冰⋯⋯挣扎咗一阵，最后叫多碗罗宋汤饮。呢度真系好多熟客帮衬，服务态度好亲切，下次带老婆嚟试吓晚市先。