影片
更多
2010-09-25
55 浏览
时下好多新开嘅食肆都做得好专门，尤其和食，好似烧鸟店、炉端烧、烧肉店…，总会一眼望埋去就知系打正旗号嘅专门店，俾人觉得够精、够专业。相反，另一类就好似江户前咁，乜鬼都有，套餐又得，散叫又得，打开餐牌图文并茂差唔多过百款嘢俾你拣，好似午餐定食咁都成三十几款，平均三、四十蚊，包汤（或寿司）包嘢饮，如果唔系有啲和风装修，搭啲日文欢迎词，同去咗茶餐厅无分别。唯一好啲系佢个场比较阔落，卡位都好宽阔，不过唔知点解佢啲凳面系软垫面，而凳背系木架，唔系咁好「俟」。拣定食就最实惠，一行4人商量后就决定要3个定食，再加2个小食，因为见佢推介小食人气5强，都好似几吸引，就俾俾面，拣其中2个试试，睇吓系咪咁人气先，还是得个吹字。铁板带子 $36系小食人气第2强，而第１强系七味炸鸡软骨，因为太热气兼且鸡软骨大多数人唔好，所以踢佢出局。一客有4粒带子，系原粒连埋裙边唔系假嘢，粒粒都大大只，铁板煎香，唔算好弹牙，但味道唔错，咬落果然厚肉。自家制可乐饼 $33小食人气第3强，一客只有2件，不过一样好大件，图片说明就话系蟹肉加濑尿虾肉做，但唔系好食得出有虾肉味，蟹肉就倒有少许。面头淋上自家制酱汁，要好细心细心咁嗒，先叫
拣定食就最实惠，一行4人商量后就决定要3个定食，再加2个小食，因为见佢推介小食人气5强，都好似几吸引，就俾俾面，拣其中2个试试，睇吓系咪咁人气先，还是得个吹字。
铁板带子 $36
系小食人气第2强，而第１强系七味炸鸡软骨，因为太热气兼且鸡软骨大多数人唔好，所以踢佢出局。一客有4粒带子，系原粒连埋裙边唔系假嘢，粒粒都大大只，铁板煎香，唔算好弹牙，但味道唔错，咬落果然厚肉。
自家制可乐饼 $33
小食人气第3强，一客只有2件，不过一样好大件，图片说明就话系蟹肉加濑尿虾肉做，但唔系好食得出有虾肉味，蟹肉就倒有少许。面头淋上自家制酱汁，要好细心细心咁嗒，先叫嗒到啲可乐味，实在比较弱，而且件炸饼大大，酱汁就少得丁点。
咖喱牛肉捞拉面（定食） $38
大圆碟分半，一边系拉面，另一边系咖喱牛肉，等你自己捞。唔好以为依个捞拉面系港人发明，日本都有捞拉面，不过都系以汤拉面为主。言归正传，个捞拉面本身唔算好有特色，只系想一试依度嘅咖喱得唔得，咖喱香中带微甜，做得都对办，牛肉够腍，拉面爽身带少少韧劲，捞埋咖喱汁大炷大炷咁食，无牛肉斋食都正㖞！
猪软骨手打乌冬（定食） $31
猪软骨炆得入味，肉质够腍，软骨爽脆，可惜个卤蛋唔掂，色泽白潺潺之余，仲要蛋黄硬实，一啲都无糖心效果，乌冬手唔手打小弟就唔系好能够分得出，不过，质素应该OK，因为食落几滑溜，唔会有酸味，至少唔似平价一包包嘅全熟乌冬！配上浓香猪骨汤底，如果唔系个卤蛋，都值我俾个赞佢。
手握寿司 + 餐饮
以上个拉面、乌冬定食，每款都送2件寿司同一杯餐饮。寿司虽然无得拣，但起码都唔系俾啲最平嘢你，我哋4件寿司：2件甜虾加2件油甘鱼。江户前即系指东京湾前，个度海产丰富，在江户时代就有人将新鲜捞获嘅鱼类用哩做手握寿司，而且江户前寿司应该系饭较少，每件都握得小巧精致。但以上个4件寿司，都系用上海鲜做料，但饭团就稍为大旧咗，都知江户前系间铺名，佢都无话自己卖正宗江户前寿司，好彩饭唔死实，确系手握唔系机啤，甜虾同油甘鱼不过不失啦；餐饮方面拣咗杯薄荷绿茶同荔枝绿茶，前者朋友话个味怪怪，唔系好夹，我饮后者，味道夹啲兼且有啲荔枝肉食吓，虽然都知佢系罐头货！
鸡肉蛋饭（定食） $34
因为系饭餐定食，所以就唔系加送寿司，而系配面豉汤同餐饮。大大碗饭，份量超十足，珍珠米煮得几软熟，粒粒饱满，食落唔黐牙；一大块鸡扒放面，再加只生鸡蛋，食完个拉面同乌冬先哩食个饭，啲蛋白就熟晒，而蛋黄就差唔多去到半生熟状态，唔太生，半凝咁款，捞均个饭哩食，饭粒添咗蛋香，确系唔同晒，虽然只系普通鸡扒蛋饭，食法唔同可以倍添趣味，而鸡扒煎得亦香口，几有肉汁，至少唔嚡先！
整体水准OK嘅，价钱大众化，而且食物款式够晒多，所以，假日食晏时间，都过咗1:30pm仲有八乘几人，足见佢有一定吸引户，志在薄利多销。最后，食$20又送$2现金券，好似依餐就送返$18现金券（2个月限期），虽则唔算多钱，但若果一支公哩个下午茶，真系补番少少就可以拍拍「啰柚」走！
张贴
