影片
更多
2008-07-27
8 浏览
由于一向都有买其面包, 对此店面包部的质素与服务一向满意. 故今日罗兰士话肚饿, 一于试埋佢个堂食部, 睇吓水准如何.罗兰士叫了个法包三文治tea set配橙汁, 而小弟则叫了个绿茶奶昔.奶昔味道一般, 但口感比较似奶多d, 过浠, 要杰身d先得, 完全感受唔到奶昔应有的丰富, 同triple Os的出品无得比!讲吓罗兰士既set点.首先, 把餐刀劲多积, 怀疑冇洗过冇抹过, 有d离谱, 皆因此店素来给小弟干净的感觉!之后三文治上枱, 罗兰士赞其面包好食, 保持一贯高水准! 殊不知食到第二件烚蛋蕃茄治时, 罗兰士食完d烚蛋后, 给眼利的小弟看见有一条毛, 仲要系孪既毛喺块蕃茄上面, 真系非常恐怖加意上不到! 断估蛋同蕃茄都不可能生毛啩! 来不及影相, 已被女服务员收回, 可惜!一而再的污糟事件发生, 试问边有可能再喺度食嘢丫, 以毒攻毒咩, 大佬! 于是乎即刻嗌埋单.老实讲, 餐厅方面发生咗呢d咁既情况, 理应识做, 呢餐免费啦! 但个女服务员(不是后生的)攞张单埋嚟, 收小弟杯奶昔不但子, 仲要收埋罗兰士杯橙汁钱, 当散叫, 话份三文治钱已不收, 好似益咗我哋咁. 哗, 当时真系打个
罗兰士叫了个法包三文治tea set配橙汁, 而小弟则叫了个绿茶奶昔.
奶昔味道一般, 但口感比较似奶多d, 过浠, 要杰身d先得, 完全感受唔到奶昔应有的丰富, 同triple Os的出品无得比!
讲吓罗兰士既set点.
首先, 把餐刀劲多积, 怀疑冇洗过冇抹过, 有d离谱, 皆因此店素来给小弟干净的感觉!
之后三文治上枱, 罗兰士赞其面包好食, 保持一贯高水准! 殊不知食到第二件烚蛋蕃茄治时, 罗兰士食完d烚蛋后, 给眼利的小弟看见有一条毛, 仲要系孪既毛喺块蕃茄上面, 真系非常恐怖加意上不到! 断估蛋同蕃茄都不可能生毛啩! 来不及影相, 已被女服务员收回, 可惜!
一而再的污糟事件发生, 试问边有可能再喺度食嘢丫, 以毒攻毒咩, 大佬! 于是乎即刻嗌埋单.
老实讲, 餐厅方面发生咗呢d咁既情况, 理应识做, 呢餐免费啦! 但个女服务员(不是后生的)攞张单埋嚟, 收小弟杯奶昔不但子, 仲要收埋罗兰士杯橙汁钱, 当散叫, 话份三文治钱已不收, 好似益咗我哋咁. 哗, 当时真系打个凸, 佢咁都可以讲出口! 如果唔系因为肚饿, 都唔会入嚟呢度啦, 斋饮使鬼揾你咩! 咁无道理的情况吓当然要反映意见话冇可能收杯橙汁钱啦, 个女服务员当堂黑晒口面, 好似我哋错咁! 喂大佬, 唔系做善事呀, 你出毛, 我出钱咩!
由餐具, 到食物, 到服务员都系咁黑, 喊面走唔甩, 以后唔会再帮衬此名符其实既黑店啰! 面包部, 唔使担心, 小弟相当均真, 并唔会同时判你死刑!
张贴
