茶餐廳2.0 (已結業)

而家d茶记真系唔易做，越来越多元化， 好似呢间中文名似茶记，英文名有Cafe字眼，最多都以为系茶记同Cafe混合姐，点知和牛、中式小菜、连鸡蛋仔都有得食🤣！🔆All Day Breakfast 有猪肉肠、烟肉、焗豆、炒蛋、火腿、炒杂菌、法包呢d例牌野，有埋野饮。摆盘未算精彩，但食落去系几好食，尤其是炒蛋同法包，炒蛋似日式炒蛋嘅质感而且有蛋香；涂上左牛油嘅法包，好味在新鲜牛油香味同法包烘热嘅香脆。🔆咖哩慢煮牛腩配白饭，都几多牛腩。主角咖哩混有好多杂菜，令到每啖口感更丰富而且无咁腻，较少香料味但有咖哩味，牛腩都够软腍，茶记黎讲算几好～🔆加$20有个中式清炒时菜，样貌似妈妈煮食，食落竟然有d镬气，亦食到白菜仔好鲜甜嘅菜汁，呢个抵食！🔆两个主菜都有餐饮，热奶茶有茶记水准；热咖啡有Cafe即磨咖啡水准，攞到平衡very good!🔆最后仲叫左心太软雪糕，间间出品唔同，纵然朱古力蛋糕无流心，但加上雪糕球后外观同味道，对我黎讲系相当唔错！