BUZZ STAND / SUGI BEE GARDEN

营业中

休息中

喺屋企居家抗疫左几日，今日周末终于顶唔顺要放一日假，山长水远去左将军澳Popcorn，下午茶经过呢间杉养蜂园，见佢有雪糕又有窝夫，不如就试吓。呢度主打蜂蜜饮品，用来自日本嘅天然蜂蜜。麦卢卡蜂蜜香蕉沙冰 $52麦卢卡蜂蜜香蕉沙冰用天然嘅麦卢卡蜂蜜加新鲜香蕉制成，份量大大杯，香蕉味浓，沙冰打得好滑，上面加左质感有啲似caramel嘅痴牙蜂蜜，仲有两片香蕉，都好饮嘅，当然呢个价钱唔平。抹茶窝夫 $15饮品加$15可配窝夫。窝夫有3款口味，包括原味，朱古力同抹茶。可加配可可酱或蜂巢蜜。我拣左抹茶味。窝夫即叫即整。窝夫呈蜂巢状，上面加左少少蜂蜜，味道带少少抹茶味。非常薄身又唔够脆，只系微暖。唔推介。杉养蜂园蜂蜜雪糕 $28杉养蜂园蜂蜜雪糕系杯装，可加配威化饼，蜂巢或果汁蜜，个人觉得加配好贵。牛奶软雪糕系质感非常冰感而味道欠缺牛奶味，上面加左都系有啲似caramel嘅痴牙蜂蜜，味道唔会过甜。我就嫌雪糕唔够软滑，太冰感。拎完食物可以企喺度食，唔洗另外揾位。总括而言，食物质素普通，只系以加左日本天然蜂蜜作招来，咁样好难再次帮衬。