影片
更多
2018-07-14
10628 浏览
托赖，算揾到个钱，有机会前后去过澳洲旅行两次，到访过悉尼、墨尔本、朗塞斯顿及荷伯特（塔斯曼尼亚）等几个地方，加上小弟本身都几钟意叹咖啡，好欣赏及享受当地嘅咖啡店餐厅文化，故最近从朋友口中得知晌湾仔有家带澳洲风嘅咖啡店餐厅，风评不俗，正所谓久仰大名，专程走过嚟重温澳洲嘅咖啡滋味。餐厅就晌「胡忠」对面，非常易揾。推门内进，格局长方四正，左边喺一排排座位嘅用餐区，右边则喺水吧、开放式厨房，唯枱櫈拍得有点密，而且，用餐嘅枱都喺比较细张，建议分段点菜，避免啲菜堆到一枱都喺无位摆。一室工业风嘅型格装修，天花嘅密集乌丝灯，幻想吓当喺天上繁星都仲可以，令小弟回想番晌塔斯曼尼亚睇星河嘅时间。餐牌嘅啡皮面印有「九Ｏ」字样，贯彻番店名「Ninetys」，其实，意指九十后，因为店主喺九十后啰。我点知？睇过人哋啲食评，再向店员八吓、求证吓啰！翻开餐牌，基本上食物会分白天及黑夜，指嘅喺供应时间，前者供应到5:30pm，大多数喺啲轻食少少嘅菜式，如宾尼迪蛋、吐司、汉堡；后者则6:00pm开始，有小食、沙律、主菜、汉堡、饭品、面品。吊诡嘅喺5:30-6:00pm呢段空隙时间喺点呢？只可以嗌嘢饮，唔可以嗌嘢食？哈哈！无
餐厅就晌「胡忠」对面，非常易揾。推门内进，格局长方四正，左边喺一排排座位嘅用餐区，右边则喺水吧、开放式厨房，唯枱櫈拍得有点密，而且，用餐嘅枱都喺比较细张，建议分段点菜，避免啲菜堆到一枱都喺无位摆。
一室工业风嘅型格装修，天花嘅密集乌丝灯，幻想吓当喺天上繁星都仲可以，令小弟回想番晌塔斯曼尼亚睇星河嘅时间。
餐牌嘅啡皮面印有「九Ｏ」字样，贯彻番店名「Ninetys」，其实，意指九十后，因为店主喺九十后啰。我点知？睇过人哋啲食评，再向店员八吓、求证吓啰！
翻开餐牌，基本上食物会分白天及黑夜，指嘅喺供应时间，前者供应到5:30pm，大多数喺啲轻食少少嘅菜式，如宾尼迪蛋、吐司、汉堡；后者则6:00pm开始，有小食、沙律、主菜、汉堡、饭品、面品。吊诡嘅喺5:30-6:00pm呢段空隙时间喺点呢？只可以嗌嘢饮，唔可以嗌嘢食？哈哈！无问，好想知店员会点答。
另外，饮品嘅选择就印晌另外两版纸，有多项酒精类饮品，如清酒、红白餐酒、鸡尾酒、啤酒，当然咖啡就唔少得，仲有茶品、特饮……等等。
Avocado Tempura $78牛油果食得算唔少，但绝大多数一喺就整沙律，一喺就整三文治，但用嚟天妇罗就第一次。睇份量，应该喺用上两个牛油果，咬落确喺几好㖞，因为脆浆薄，脆口又唔油，牛油果仲够晒熟添。由于牛油果本身唔重味，洒咗啲七味粉，再沾点沙律酱提味，唧啲柠汁去腻，入口更清爽。
The Best Salmon Tartare Ever $148呢道菜旁边打咗粒星星，属推介菜式，故之然想试试喺点。卖相非常之吸引，色彩缤纷，更加上一小朶食用花做装饰。虽然佢被列为主菜类，但睇样就似前菜多啲。4片杏甫核桃面包配上挪威三文鱼、柚子肉、牛油果蓉及西柚肉，唔使多讲都知喺自由配搭咁食。小弟贪心，就一次过放晒4样食材上片面包度，面包属少少硬身嘅欧陆包，较有咬口，加入各种食材，味道纷陈，清爽怡人，当然，更可随喜好嚟配搭。4片面包食完都仲有剩材料，大可捞埋一齐当个开胃沙律食。
Kumato Prawm Linguine $148简单嚟讲，就喺一道蕃茄意粉，但卖点就喺用上瘀啡色嘅欧洲蕃茄（Kumato），唔知有无中文译名，但属少见嘅品种。咪睇佢好似瘀瘀黑黑，食落几有蕃茄味，又唔酸。至于啲宽条面，的确有咬口，沾满浓郁嘅蕃茄酱汁，实在好食，啲大虾亦鲜甜爽弹，喺一道有水准嘅意大利面。
Kumato Prawm Linguine
$148
133 浏览
0 赞好
0 留言
Fruit Romance $48贯彻工业风，水杯用上铜色嘅有耳水杯，而呢杯以橙汁、桃汁、培茶冲泡嘅Fruit Romance，先喺果香味，再慢慢渗出茶香，比预期有趣嘅出品。
Flat White $42嚟呢度食晚饭，一心一意喺要叹一口佢哋嘅咖啡，所以，最后，点咗一杯Flat White。佢哋嘅咖啡都几得意，啲豆可以拣Fruity Blend或Choco Blend，小弟拣前者，咖啡送嚟时以小托盘盛载住，仲有一小碟果仁。拉花花纹细致，一入口已知质素高，口感均匀顺滑，味道醇香细腻，饮过后让人有份喜悦感。
Flat White
$42
115 浏览
0 赞好
0 留言
今晚，无论食嘅，饮嘅，都尝得到高水准嘅出品，加上环境唔错，招呼又到位，做饮食嘅，永远都喺要靠食物做得出色先喺长「九」之计。
张贴
