九份•十分 (T Town ) (已結業)

今日入了天水围做活动，到颂富商场食lunch。好彩醒目咁上FoodGulu揾定有咩食！去到商场真系周围都系人，好彩一早拎定FoodGulu飞, 等一阵就入得去食。入面周围都系人，所以都lala 声睇下有咩食，快快手食完快d走。午餐的选择都唔少，主要系台式食物围主。当然 如果黎到台式餐厅唔想食台式食物ge...都可以有几个选择ge! 我见隔黎枱有对男女两个都叫左牛肉面! 个卖相又好似几好食，所以我都叫左一客红烧牛肉面（＄58）我选了粗面！ 另外，追加左一客盐酥鸡（＄8）同一份甜品。盐酥鸡皮脆肉软，热食又香又好味。俾＄8但份量一d都唔少，每粒盐酥鸡都系大大粒的，重要有成6－7粒咁多！扺食！牛肉面到，真心觉得好足料，三旧牛肉都系大大旧的，而且有d牛腩位软腍，口感松软弹性适中。面的份量亦十分多，我一个大男人都饱到飞起。＄58包埋野饮真系超值。去到一间台式饭店当然要点杯珍珠奶茶饮下，套餐内有一些唔洗加钱的选择，亦可以加＄8拣正价＄28以下的特饮或者俾＄18拣＄28或以上的。我就想试下特别d ge 野饮，所以拣左一杯 Oreo 曲奇珍珠奶茶（加＄18）！ 多左Oreo曲奇粉，口感丰富左，又几特别。