GUM "JENG!" X 御前上茶 (已結業)

话说约咗Honey去睇戏，所以就拿拿林去揾间餐厅食个晚饭。见到佢个门面几OK就入左去。入到去座位就非常挤迫，手袋只可以放系大脾，简单啲讲肥妹勿进。睇到餐牌已经知道中左招，因为餐牌内一半都系甜品。唯有叫啲安全饭，我叫咗份 鳗鱼饭餐。前菜：鸡丝底有菜，配上芝麻酱同类似豆瓣酱或辣椒酱，配搭非常奇怪。鲍汁时蔬：生菜一般，鲍汁系蚝油，重要系唔好味嘅蚝油。鳗鱼饭：鳗鱼只得半块，同相片有出入。饭多大碗非珍珠米，鳗鱼汁怪怪地，似BBQ酱。配上味噌汤同绿茶，只会饱肚，总括而言，厨房嘅人未够班。由于我食到一半好晕好想呕，已经分唔到系唔好食定系冷气唔够。最后要俾加一服务费，不值。