影片
更多
2024-11-13
77 浏览
九如坊有好多特色小店，系中上环旺中带静嘅地方，星期日晚同朋友行到上去觅食，见到间本土特色风串烧店，本以为系度食串烧会好贵，睇一睇餐牌，原来价钱好合理，好多款串烧都系$10到$20一串，即叫即烧🍢饮品同食物嘅选择都非常多，Sapporo生啤做紧$48买一送一，以依个地段嚟讲真系好抵食！咖喱牛舌菠萝包 $58/份————————————菠萝包表面𠮶层酥皮真系够晒邪恶，夹牛油变菠萝油就周街都食到。餐厅好有创意地将菠萝包夹埋煎蛋、牛舌同咖喱，牛舌大大块，腍腍地易入口，同咖喱好夹，太阳蛋个黄煎得好靓㖞，少少㶶边就必需啦🍳食晒个包就会见到底张红纸有个吉祥字，想知就记得点依个餐厅推介嘅菠萝包！盐烧牛舌芯 $28/串————————————面层洒上盐烧，非常入味，口感脆弹、有嚼劲，唔会过韧！免治鸡肉棒(配日本蛋) $28/串————————————配上橙黄色蛋黄嘅日本蛋🥚免治鸡肉有绵绵嘅口感，入边有少少脆骨，沾上温泉蛋食更有顺滑嘅感觉。豚肉荔枝卷 $15/串————————————烧过嘅豚肉片外皮香脆，配上整粒清甜嘅荔枝肉真系好夹，减低豚肉嘅腻感，令味道层次同卖相都更加丰富。酥脆鸡皮 $38/份———
咖喱牛舌菠萝包 $58/份
————————————
菠萝包表面𠮶层酥皮真系够晒邪恶，夹牛油变菠萝油就周街都食到。餐厅好有创意地将菠萝包夹埋煎蛋、牛舌同咖喱，牛舌大大块，腍腍地易入口，同咖喱好夹，太阳蛋个黄煎得好靓㖞，少少㶶边就必需啦🍳食晒个包就会见到底张红纸有个吉祥字，想知就记得点依个餐厅推介嘅菠萝包！
盐烧牛舌芯 $28/串
————————————
面层洒上盐烧，非常入味，口感脆弹、有嚼劲，唔会过韧！
免治鸡肉棒(配日本蛋) $28/串
————————————
配上橙黄色蛋黄嘅日本蛋🥚免治鸡肉有绵绵嘅口感，入边有少少脆骨，沾上温泉蛋食更有顺滑嘅感觉。
豚肉荔枝卷 $15/串
————————————
烧过嘅豚肉片外皮香脆，配上整粒清甜嘅荔枝肉真系好夹，减低豚肉嘅腻感，令味道层次同卖相都更加丰富。
酥脆鸡皮 $38/份
————————————
大大块又脆又香口嘅鸡皮，鸡皮油脂出名劲，真系劲邪恶😆
仲食咗好多小食同串烧，例如盐烧美国芦笋、紫菜鹌鹑蛋卷、日式秘制汁炸无骨鸡翼、蜜糖烧菠萝、大葱鸡肉串等等，食到超饱饮埋嘢每人都系$200左右，真系好抵食呀！
张贴
