新潮樓 (已結業)

呢日去九展睇show, 顺便食埋晚饭。太耐冇食过潮州嘢，见到呢间主打食潮州嘢嘅餐厅，即刻入去试吓先。餐牌有单点，亦有四人至八人餐，我哋人少少，单点咗以下几款菜式。竹苼北菇炖菜胆（$48）- 炖汤味道清甜，有竹笙，北菇同菜，清清地，几好饮呀。下次如果人多啲，可以试吓胡椒猪肚汤。蚝仔肉碎粥（$108）- 份量算多，蚝仔同肉碎都劲足料，配埋虾干，味道好丰富，唔错。姜葱霸王鸡半只（$138）- 劲多姜葱，好入味，鸡肉肉质嫩滑肥美，味道几好。粉丝杂菜煲（98）- 粉丝杂菜煲整得好味香口，入面有白菜，菜心，小棠菜，西兰花，菇菌同粉丝，健康又好味。餐厅环境阔落好坐，啱晒一大班人食饭倾偈。食物质素唔错，价钱合理。