新潮樓 (已結業)

今日约咗朋友一齐响德福广场shopping，然后佢特登带我坐Shuttle Bus嚟到九龙湾国际展贸中心去食一间佢食过觉得好好食嘅潮州中菜馆食晚饭。嚟到中菜馆门口，个入口好靓好大，入面装修大方。我哋都好肚饿，两个人都叫咗好多嘢食。招牌吊烧鸡（半只）烧鸡好靓，颜色好均匀亮丽，一睇就知道系皮脆肉嫩，果然食落冇令我哋失望。虽然系半只份量，但系只鸡应该好大只，所以半只都好多。碧绿川椒虾球虾球爽口弹牙，川椒酱汁，微辣，越食越开胃。XO酱一口牛柳粒炒得好有镬气， XO酱惹味，牛柳粒好腍，配合埋吸入咗XO酱汁嘅杏鲍菇，呢个菜式好适合佐饭。蚝仔肉碎粥嚟到潮州菜馆点可以唔食蚝仔粥呢，呢个蚝仔粥好鲜味，劲多只只饱满嘅蚝仔，蚝仔好嫩滑，无沙，好新鲜，成个粥好鲜甜。加上有好多配料，有好多肉碎，虾米，菜圃，仲有好多芫荽，令到个粥口味一啲都唔单调，层次丰富。一大窝，我哋两个大食鬼都食晒。椒盐白饭鱼呢个白饭鱼炸得好香口，条条白饭鱼都好大条，椒盐味好香，咸香味适中，佐酒一流。福果芋泥食完咁多个菜式其实已经好饱，但系我哋实在好想食呢个潮州甜品，所以嗌咗一过嚟两个share食。芋泥真材实料，每一口都是芋头香，香滑绵密，加