Cafe Wellcome x BBQ Place (已結業)

餐厅位置于九展，啱晒附近d 上班族。餐厅面积颇大，有室内同室外。如果想BBQ可以坐到室外，叹冷气又可以坐入面。一次过满足晒你既愿望。晚餐来坐室内几乎系包场，提供一个舒适安静既环境。菜单有8款套餐可选，包括沙律、餐汤、主食、甜品同埋一杯嘢饮。餐厅每个礼拜都会更换餐单，几有心思。今次既沙律系薯仔沙律配蒜蓉包，餐汤系花生鸡脚汤。呢度既餐汤系中西每日轮流转，而今日既餐汤系花生鸡脚汤。个蒜蓉包好香脆可口，觉得硬嘅话可以浸下d汤，别有一番风味。意式肉丸焗薯蓉个份量几大，肉丸有成8粒咁多，以番茄酱做底汁。薯蓉压得特别软，完全食唔到一粒粒。炸鱼配薯条分别伴住蕃茄酱同埋沙律酱。炸鱼嘅炸粉好薄，里面既鱼好松软，有外脆内软嘅效果。加埋d沙律酱好似去左英国食咁。Movenpick & Haagen Dazs雪糕食客可以凭券去甜品柜度攞雪糕，两只牌子都有好多口味供选择。