蕃滿門 (已結業)

久不久会去九展睇戏, 贪佢依度人少D, 同D院新D又大D, 最重要系有4小时泊车优惠, 不过之前依度真系无啖好食, 去得最多都系麦当奴, 但而家唔同喇, 系2楼开左食街, 多左好多唔同野食  。人最多又最近电梯口既系蕃满门喇, 佢依间餐厅主打蕃茄汤既粉面, 见到餐牌有个叫镇店蕃茄汤粉就一于试下, 我拣左锣丝粉同小辣, 收银会俾个咇咇机你, 响机就自己去攞。依个镇店蕃茄汤粉真系好大碗, 第一时间就试下个汤先，蕃茄味好正下，唔系个啲鲜茄汤既味，无咗啲蕃茄个啲腥味，系有甜味既蕃茄汤，但系点解无辣味既呢？原来我未捞匀个汤，我觉得小辣已经好够，佢既辣似辣椒酱既，同蕃茄汤好夹。啲𩠌就普通啲，都有5，6样野，都可以叫丰富既，如果想食好啲既我就推介猪手喇，余咗系肥啲之外，性价比都几高。蕃茄汤粉黎讲，依间唔会失望。