屏山傳統盆菜

营业中

休息中

个小盆菜入面有猪皮萝卜枝竹仲有猪腩肉，南乳味好香浓，不过可能太心急就开始食所以猪皮同埋枝竹唔系好入味，反而到到最尾啲猪肉真系入晒味好好食。椰子鸡汤同埋陈皮鸭汤之间我哋拣咗陈皮鸭汤，味道唔错，只鸭好大只。我哋拣咗黄酒鸡，都几香甜，鸡肉都算嫩滑。呢个芋头鸭味道都OK，唯一缺点系个芋头好咸，但系鸭肉嘅味道又OK㖞。鸡汁炆花菇好食，花菇好厚肉好入味。子姜菠萝个子姜好味，好Fresh，当清一清个喉咙都唔错。鱼肉丸有惊喜，食落就知应该系自家制，好鲜味。炸金蚝味道都唔错，咬落去几脆口。拣咗最贵𠮶个餐所以有猪肚马蹄炆鲍鱼，我自己就觉得一般。