九華徑自助燒烤場 (已結業)

两星期前己经迫几个同事一同去烧烤。打电话去订位时有一声音沙哑，粗犷男仕接听，而且似刚训醒。果然去到，一大班公仔人坐著食烟，攞位时真系揾唔到我名。不过好彩我地系第一班人到，所以佢都俾个边栏近马路位俾我，原来系好位黎架，因为当日好热，近路边有风好好多。OR写$78位，其实周末，假日都加价，$88位，加炭要$20一桶，不过因为饮品超平，送一个饮品外，另加都只系$6-$8一樽或一罐，相对一般都算好平，所以周末，假日加价都唔系太过份。食物果然同其他食友讲一样，真系好好味。尤其黑椒牛柳粒真系好正。够淋得黎又唔会太咸。而且全部食物都系独立包装，虽然唔环保，不过感觉好似干净好多。种类真系好多，不过要问佢先知有咩食。可能有纯情小妹会怕同公仔人讲野，不过佢地其实都冇咩，系粗声粗气ｄ，做生意嘛，都冇野既。另外仲有好多锡纸包既粟米，蕃薯，金菇等等。你系估唔到咁细心。我自己都带左虾，青口，多春鱼，佢地都冇出声，可能学之前食友讲佢地冇既食物自己带都冇问题。要提下佢ｄ炭一支支好靓，而且好易烧，所以要收钱都合理。总结各同事都觉得食物十分好味，而且唔太咸，少味精，饮品好平，值得再黎。但我睇渐渐多人去，一定有再加价可能。