影片
更多
2013-01-28
420 浏览
经过尖沙咀厚福街，屋企咁啱煲咗猪膶牛肉粥，见到有间粥面茶餐廰，于是走入帮衬；由于系下午时份，所以可以选择嘅油器都唔多。我拣咗咸煎饼同炒面。 咸煎饼冇南乳味，比我想像中差，仲要卖九蚊一件，不过理解佢位处老尖，要卖几多件咸煎饼或者牛脷酥等先可以维到皮？如果系观塘区或者新界，此舖一早被淘汰矣。 至于𠮶碟炒面冇乜惊喜，十三蚊一盒，又无落芝麻。味道及卖相方面实在系一般，因为咸煎饼冇落南乳，咁同买条油炸鬼番嚟食乜分别？炒面亦然，都可以食得落口嘅，两样食物之水准都系中下水平。（缺憾系冇提供相片） 我心谂，如果啲粥同油器有水准，卖得贵又何妨？之但系价钱同质素唔成正比，亦系致命伤。 如果呢间舖头想好似佢哋宝号名称咁有红利，就要谂谂同改良下食品质素嘞！
咸煎饼冇南乳味，比我想像中差，仲要卖九蚊一件，不过理解佢位处老尖，要卖几多件咸煎饼或者牛脷酥等先可以维到皮？如果系观塘区或者新界，此舖一早被淘汰矣。
至于𠮶碟炒面冇乜惊喜，十三蚊一盒，又无落芝麻。味道及卖相方面实在系一般，因为咸煎饼冇落南乳，咁同买条油炸鬼番嚟食乜分别？炒面亦然，都可以食得落口嘅，两样食物之水准都系中下水平。（缺憾系冇提供相片）
我心谂，如果啲粥同油器有水准，卖得贵又何妨？之但系价钱同质素唔成正比，亦系致命伤。
如果呢间舖头想好似佢哋宝号名称咁有红利，就要谂谂同改良下食品质素嘞！
张贴