坤記牛腩 (已結業)

之前听闻澳洲牛奶公司第三代除左喺九龙城开左「澳牛2.0」-联发茶餐厅外，仲开左间卖牛腩嘅铺头喺隔离，我姑且叫佢做「九记2.0」吧。星期六，外面落紧滂沱大雨，可能或多或少影响到生意，铺头入面冇乜人。叫左碗「上汤牛筋腩伊面」（$52）：先饮一啖牛汤，果然够清甜，又带点牛骨香；到牛腩部分，佢似柱侯牛腩嘅味道，即系比平时食开嘅清汤牛腩重味，拣伊面就贪佢可以索汤，虽然索价$52一碗偏贵，但整体而言，味道都唔错。我觉得可以接受，咁当然未至于媲美九记啦。不过可以继续努力，一定可以做得更好。