九重町日本料理 (已結業)

近期新假期风烧到去屯门，普普通通一间铺头都被吹捧做隐世小店。好彩，仲有呢间真正既隐世日本食堂，等我有得享受下片刻既安宁。九重町日本料理位于蓝地一个比较少行人经过既地方，唔系住个头其实好少人会知。门面装修行正宗日本风，夜晚去颇有深夜食堂既感觉。当时去食系有九折！！仲等咩！热爱秋葵既我见到有烧秋葵二话不说即刻叫两串黎试下先。秋葵新鲜，冇烧过熟，调味亦系淡淡盐味，唔会掩盖秋葵本身既味道，非常清新爽口。同时都点左另一款非常好既下酒菜：烧鸡肾。内脏最紧要唔腥，呢一款烧物完全达到日本居酒屋既水准，送酒一流。因为都几饿，所以order左个豚肉锅。份量都几多，味道唔会过分浓烈，唔似某d餐厅一味放味精。呢个清清地，食到豚肉同蔬菜既甜味，唔错。最后点少得一杯饮品作结，呢杯奇异果特饮酸酸甜甜，够开胃得黎又唔会太甜，perfect池！