坤記牛腩 (已結業)

身为爱腩之人，岂会未听过九龙城坤记牛腩既大名呢？横扫全港既清汤腩，却因为呢间坤记系九龙城比较隔涉就未去过，今日终于约晒一众爱腩之人去食！叫咗个净崩沙腩($170)、郊外油菜($20)、清甜萝卜($23)、金牌牛三宝捞伊面($63 转伊面另+$5)崩沙腩炆得好松化，肉味好浓一咬落去满满嘅幸福，汤底好清澈冇乜杂质，如果冇咁咸就更加好。点少少自家制辣椒油，更加惹味！呢度嘅萝卜切得好大旧，食起上嚟有啲麻烦，亦都要不顾仪态咁样食，但系萝卜炆得好入味，我食咗好多旧。金牌牛三宝捞伊面就系上汤捞面😋牛三宝嘅份量好多，好抵食，有牛肚、牛筋、同埋牛腩，虽然牛腩系普通嘅牛腩，唔系好似崩沙腩咁正，但系都非常之好味，因为佢唔会太肥，非常林同埋肉味好重。听讲呢一度嘅凤城水饺好好味，所以我哋都加左两粒嚟试吓，皮薄馅靓劲大粒，系我最近食过最好味嘅！嘢饮方面叫咗豆浆($13)同冻奶茶。都正常，送饭一流。📍坤记牛腩九龙城侯王道2B号地下