三和敘

营业中

休息中

九龙城除咗有好多泰国菜，仲有各式各样嘅特色餐厅。呢日经过福佬村道，见到有间装修非常日系嘅日本餐厅，一于试试！🏮秋刀鱼刺身第一次食秋刀鱼刺身，出奇地鲜味！银色鱼皮，色泽亮丽，肉质软腍有弹性，入口鱼脂鱼香十足！🏮炭烧鲜番茄番茄烧得啱啱好，十分juicy，配上沙律酱同昆布汁，酸酸甜甜，好醒胃。🏮日本阿波尾鸡翼阿波尾鸡嚟自日本四国东部德岛县，系用走地放养嘅天然形式饲养，鸡肉肉质有弹性，脂肪含量较低。烧香过后，鸡皮香脆薄滑，肉质嫩滑弹牙，肉汁丰富。🏮美国安格斯薄烧薄切安格斯牛里面包住大量葱花同炸蒜，牛味香浓，馅料惹味！伴碟有海盐同金山面豉可以选择，两种都各有风味。🏮天妇罗荞麦面天妇罗炸得金黄，炸浆薄薄一层，唔油腻，而且非常松化酥脆；荞麦面带住满满嘅荞麦香，面质烟韧弹牙。