影片
更多
2023-04-14
117 浏览
2023年3月28日 星期二今晚专登预约左系九龙城区既omakase同老婆两个人去食，通常系九龙城都系食泰国菜多，日本餐厅真系比较少，所以今次一于黎试下餐厅既omakase主要有三个套餐，最平既$980一位，而我哋就点左$1380一位果款，一共有十二款菜式首先有海胆酥，平时食开既小食千层酥上面加上左海胆，一啖食落去千层酥好松化，而且突显左海胆独特既味道，充满鲜味，海胆完全唔腥之后有日本千草县金目鲷，配以日本蜂蜜同柚子酸汁，无谂过蜂蜜同柚子汁可以配金目鲷一齐食，酸酸甜甜几易入口，又食得到鲷鱼既鲜味，鱼肉好嫩滑，比起一般日本餐厅无加任何调味直接上金目鲷更加有心思呢一碟分别左边有烟熏黑木鱼，中间既系赤贝腌青瓜蓉，而右边就系牡丹虾，黑木鱼好重烟熏味，肉质有咬口，好似熟成左既鱼肉咁，而赤贝就好爽口，配青瓜蓉一齐食几清新，至于牡丹虾用左柚子腌渍，上面仲加左啲蟹膏，食落既弹牙又有蟹膏香味再黎有熟成左大约两星期既吞拿鱼腩配黄芥末同京葱，吞拿鱼腩入口即融，有黄芥末带少少辣味出嚟，几刺激，而且比起就咁食新鲜吞拿鱼刺身，味道更加浓郁添跟住有清酒蒸生蚝配香草柠檬汁，只生蚝有差唔多只手掌咁大，蚝肉好丰满，食落去
今晚专登预约左系九龙城区既omakase同老婆两个人去食，通常系九龙城都系食泰国菜多，日本餐厅真系比较少，所以今次一于黎试下
餐厅既omakase主要有三个套餐，最平既$980一位，而我哋就点左$1380一位果款，一共有十二款菜式
首先有海胆酥，平时食开既小食千层酥上面加上左海胆，一啖食落去千层酥好松化，而且突显左海胆独特既味道，充满鲜味，海胆完全唔腥
之后有日本千草县金目鲷，配以日本蜂蜜同柚子酸汁，无谂过蜂蜜同柚子汁可以配金目鲷一齐食，酸酸甜甜几易入口，又食得到鲷鱼既鲜味，鱼肉好嫩滑，比起一般日本餐厅无加任何调味直接上金目鲷更加有心思
呢一碟分别左边有烟熏黑木鱼，中间既系赤贝腌青瓜蓉，而右边就系牡丹虾，黑木鱼好重烟熏味，肉质有咬口，好似熟成左既鱼肉咁，而赤贝就好爽口，配青瓜蓉一齐食几清新，至于牡丹虾用左柚子腌渍，上面仲加左啲蟹膏，食落既弹牙又有蟹膏香味
再黎有熟成左大约两星期既吞拿鱼腩配黄芥末同京葱，吞拿鱼腩入口即融，有黄芥末带少少辣味出嚟，几刺激，而且比起就咁食新鲜吞拿鱼刺身，味道更加浓郁添
跟住有清酒蒸生蚝配香草柠檬汁，只生蚝有差唔多只手掌咁大，蚝肉好丰满，食落去完全冇蚝壳，加咗柠檬汁之后味道好清新
呢个系昆布汁煮南非鲍鱼配烧大葱，鲍鱼煮得好腍，嚟到嘅时候切开左一嚿嚿，所以唔需要再用刀切，昆布汁既味入晒落去鲍鱼到，汁同鲍鱼好夹，大葱烧到干身，咬落去索索声
黎到老婆最期待既菜式，系樱花叶鳕场蟹脚配青柠汁，因为佢好钟意食蟹脚，呢个鳕场蟹脚用左樱花叶黎蒸熟，所以每一啖都食到樱花香，而青柠汁就带出蟹既鲜甜，师傅亦已经拆好左壳，方便一夹就得得
再黎有熊本A5和牛配露笋，和牛切成一粒粒烧到三成熟左右，咬落去有肉汁又够腍，芦笋好爽脆
呢个系爱媛县蜜柑鲷寿司，里面塞了腌渍鱼皮，有少少酸酸地，反而更突出鲷鱼嘅鲜味，完全冇谂过蜜柑可以用来配搭鲷鱼
寿司方面最后仲有烧海鳗，油脂好多又够香口，包住海鳗既紫菜都好脆身，整体味道好平衡
最后竟然仲有米汉堡食，上面有樱花虾同三文鱼籽，樱花虾炸过之后好香脆又惹味，配埋三文鱼籽一齐食反而唔觉得好油腻，而且食晒成个米汉堡都唔会好有饱肚感
甜品方面左边有自家制绿茶奶冻，右边系熊本蜜桔同静冈蜜瓜，奶冻好重绿茶味，而且口感好幼滑，上面仲有红豆，感觉似食紧宇治金时
至于蜜桔同蜜瓜都好清甜，食完真系觉得好满足！！
张贴
