鮨勝 (已結業)

难得嚟到九龙城今次竟然会食Omakase ，仲要意想不到咁好味😋。前菜系京都豆乳配小川海胆，食得出海胆非常之新鲜加上下面嘅蒸蛋好嫩滑。之后就系松叶蟹配桃啫喱，亦都十分之好食😋，个碟好打卡，配合埋佢嘅味道，集蟹肉蟹膏啫喱于一身，带出鲜甜味。之后就嚟到一只大大只嘅北海道生蚝，只生蚝成只手掌咁大，一啖放晒入口，质感非常creamy ,唔太重海水味，超级推介。之后到岩手县海胆，富山湾白虾，两款食物都非常新鲜，食得出佢哋嘅原味，同埋有埋个海胆壳装住，非常特别！熟成拖罗同埋本鲣鱼刺身鱼味道比较浓郁 油分非常重😍之后就到炸金鲷配松露野菌汁，呢个绝对系全晚最好味😋，炸到鱼皮劲香脆之余，鱼肉外脆内软。之后就嚟到寿司嘅环节分别有目拔，北海道时之鲑，白鱿鱼，石垣贝，牡丹虾，赤鯥。其中牡丹虾带出少少花雕酒味配合埋芝麻劲入味。跟住就上一个北海道只海胆手卷，海胆多到差啲流晒出嚟，好正呀！