帕維亞意大利餐廳

营业中

休息中

受友人邀请，到九龙城寻宝揾食，见到有意大利菜，唔洗点等位，就胆粗粗试下。Pavia位置算方便，附近有巴士、小巴站。店舖有两层，装修简约时尚丶舒适。餐牌嘅选择唔少，试咗黑毛猪火腿沙律、黑松露菌意大利云吞(极力推荐)、白酒煮青口、杂肉薄饼、意大利芝士饼。沙律青新开胃，配上店家特制黑醋，一流。云吞皮够薄，加上超香嘅黑松露汁，真系无得顶，用餐包点个汁食同样滋味无穷。青口大细平均有酒香，酒味唔会好浓。薄饼饼底够薄，脆口得黎加上满满嘅芝士，一口落去好满足。芝士饼香滑creamy, 仲有香浓嘅咖啡味。服务一流，待应又NICE，值得下次再黎。