小店

营业中

休息中

Dining time（2:55pm late lunch）follow@wojengyea/@wo!正嘢 for more food info🐒 支持我哋发掘更多美食 😋以前喺九龙城做嘢，同事好钟意嚟，嚟过一次印象唔太深刻，今次再试真啲。粟米蘑菇忌廉汤🌽🍄饮落晤似罐头🥫嘢，淡淡地几好饮，但唔够热。香煎猪扒🍖拼珍宝肠（洋葱汁）配饭。首先要讲吓个摆盘，有好多蔬菜，虽然只系冰鲜三色豆🥕🌽，但一眼望落去balance番块猪扒同埋珍宝肠，感觉冇咁腻。再试个洋葱汁，食得出系自己加洋葱煮出嚟，唔太咸好鲜味🧅 块猪扒煎得几靓，表面有少少烤焦㶶几香，应该冇落松肉粉，但捶块猪扒时间唔够，肉咬落有啲实，唔够淋同松化。珍宝肠唔系脆皮𠮶只，只系厨师肠粗大版，麻麻哋。茶水食到咁上下佢会好窝心咁拎杯热饮俾你，不过杯嘢系暖嘢。。。最怕就系饮到一杯微暖嘅奶茶，真系好难顶。🤢九龙城其实好多选择，嚟一次试吓无妨。留意👀 午市时段收现金，每位最低消费$50。