小曼谷海鮮燒烤屋

营业中

休息中

想起食泰国菜就必然谂到去九龙城，去九龙城就必定要去小曼谷。今次已经系第三次去小曼谷鲜烧烤屋啦。之前去都未有地铁站，现在好方便宋皇台站B2出口行几分钟就到。平时都系食夜晚，今次试下午餐时段，见到menu午餐都好多选择而且好低食。午餐价钱都系$55至$68蚊送冬瓜汤，柠茶柠水加3蚊，特饮就半价优惠。同朋友二人叫左个泰式鲜虾炒金边粉$60大大碟有3大虾只、豆腐干、牙菜、韮菜仲有大量花生碎。金边粉好滑身炒得够获气，集酸甜一身好开胃。另点左个冬荫海军海鲜部队锅$138好多配料，有青口、虾、蟹柳、蛋、肉碎、扎肉、带子同腩肉仲有啲面索晒冬荫公汤入晒味，好满足好饱😋😋😋但最无得顶系个泰式炸虾饼，形状成个 donut甘又大又厚，一般虾饼好少见甘厚身，炸到黄金色卖相出色超钟意。