BTS美食站

营业中

休息中

今日来地铁站出口呢间BTS美食站食泰国菜，餐牌款式好多，见到呢条BTS美食路线就会谂起去泰国旅行嘅日子。可以用QR code落单，方便睇到总数同已点餐点，仲可以节省落单人手同减少错单机会泰脆炸猪手（细）冇谂过细份份量都可以有咁多，猪手外皮金黄色，炸得好香脆，里面肉质结实而且一啲都唔肥腻，仲有薄薄嘅一层胶质好有咬口，配上特制嘅甜酸汁同配菜腌萝卜同木瓜丝，清新解腻；炸虾片好香脆好惹味，十分推荐👍🏻虾膏猪肉碎炒饭个炒饭上碟已经闻到好香，入口食到好似腊肠咁样嘅猪肉碎同虾膏嘅咸香，好惹味又唔会好肥。椰汁西米糕拼泰式千层糕椰汁西米糕系传统泰式甜品，味道正宗，椰汁味香浓配上粒粒西米同粟米，清甜解腻；泰式千层糕碧绿，层次分明，有椰汁香味同斑斓香味，咬落去烟烟韧韧又唔会太硬，推荐👍🏻椰青🥥好大个好多汁，椰汁清甜，清新解腻，椰肉都好软身，好容易刮到出嚟。整体来讲，菜式地道，价钱合理，分量充足；服务态度良好，上菜速度快。